सूरज सावंत

मुंबई : सावधान इंडीया Savdhan India या टिव्हीवरील क्राईम सिरियलमध़्ये काम करणाऱ्या २ मॉडेल्सला Models आरे पोलिसांनी Police चोरीच्या गुन्ह्यात अटक केली आहे. कोरोना काळात शुटींग बंद असल्यामुळे दोघांना पैशांची चणचण जाणवत होती. या दोघी एका मित्राच्या ओळखीने आरेतील गेस्ट हाऊसमध्ये पेईंग गेस्ट Paying Guest म्हणून रहात होत्या. याच घरात त्या दोघींनी चोरी केल्याचा त्यांच्यावर आरोप आहे.

आरे कॉलनीतल्या रॉयल पाम या उच्चभ्रू वस्तीत राहणाऱ्या एका व्यक्तीच्या घरात १८ मे ला या दोघी पेईंग गेस्ट म्हणून रहायला आल्या होत्या. याच गेस्ट हाऊसमध्ये आधीपासून रहात असलेल्यांनी लॉकअपमध्ये ३ लाख २८ हजार रुपये ठेवले होते.

हे देखील पहा-

हे पैसे चोरीला गेल्याने संबधित व्यक्तीने आरे पोलिसात तक्रार नोंदवली होती. तपासादरम्यान सीसीटिव्ही CCTV तपासले असता सुरभि सुरेन्द्र लाल श्रीवास्तव (25) आणि मोसिना मुख्तार शेख (19) या दोघी सीसीटीव्हीत निदर्शनास आल्या.

या दोघीही विविध सिरियलमध्ये तसेच चिञपटातही काम करत असल्याची माहिती पोलिसांनी दिली. पोलिसांनी या दोघींकडून चोरीचे ५० हजार रुपये जप्त केले आहेत. न्यायालयाने Court या दोघींना २३ जून पर्यंत पोलिस कस्टडी सुनावली आहे.

Edited By-Sanika Gade