आदिती सारंगधर ही मराठी टेलिव्हिजन इंडस्ट्रीतील लोकप्रिय अभिनेत्रींपैकी एक आहे. आजही 'वादळवाट' मालिकेचं नाव घेतलं की पटकन आपल्या डोळ्यासमोर आदिती सारंगधर येतेच. आदिती गेल्या अनेक वर्षांपासून नाटक, मालिका आणि चित्रपटाच्या माध्यमातून चाहत्यांचे मनोरंजन करताना दिसते. नुकतंच आदितीने एका युट्यूब चॅनलला मुलाखत दिली आहे. त्या मुलाखतीमध्ये तिने तिला प्रग्नेंसीच्या दिवसांत कोणत्या गोष्टीचे सर्वाधिक डोहाळे लागले होते. याबद्दल तिने भाष्य केले आहे.

'आरपार' या युट्यूब चॅनलला दिलेल्या मुलाखतीमध्ये आदितीने सांगितले की, "मी जेव्हा प्रेग्नेंट होते, त्यावेळी सुरूवातीचे काही दिवस मी खूप आनंदित होते. मला प्रग्नेंसीच्या दिवसांत बियरचे डोहाळे लागले होते. म्हणून मी त्यावेळी प्रेग्नेंसीच्या दिवसांत खूप बियर प्यायचे. मी प्रेग्नेंट असताना केव्हाच भारतीय पद्धतीचे जेवण जेवलेच नाही. तेव्हा मी फक्त सॅलेड आणि बियर एवढेच प्यायचे आणि खायचे. 'मला प्रेग्नेंसीच्या काळात खूप कसं तरी होतंय, जर मी बियर प्यायली नाही तर राग यायला सुरुवात होते.' या विचित्र डोहाळेबद्दल मी डॉक्टरांनाही विचारले होते."

मुलाखतीमध्ये पुढे आदितीने सांगितले की, "तर मला डॉक्टर म्हणालेल्या की, घ्या बियरचे २-२ सिप. तर मी ९ महिने बियर प्यायले. भात आणि फोडणी वैगेरे आली ना तर त्या फोडणीतली मोहरी अशी काढून बाजूला काढून ठेवायचे. आमच्या घरी घरभर मोहऱ्या पडलेल्या असायच्या. त्यामुळे मी प्रेग्नेंसीच्या काळात इंडियन फुड खाणंच बंद केलं." सध्या अभिनेत्रीची ही मुलाखत सोशल मीडियावर तुफान व्हायरल होत असून तिच्या प्रेग्नेंसीची जोरदार चर्चा होत आहे.