मराठी चित्रपटसृष्टीतील एव्हरग्रीन जोडी म्हणून सचिन पिळगांवकर आणि सुप्रिया पिळगांवकर यांना ओळखले जाते. सुप्रिया आणि सचिन यांचा 'नवरा माझा नवसाचा' चित्रपट आजही प्रेक्षकांना आवडतो. त्यामुळेच आता चित्रपटाचा दुसरा भाग म्हणजे 'नवरा माझा नवसाचा २' (Navra Maza Navsacha 2) येणार आहे. ५ फेब्रुवारीला सचिन पिळगावकर यांनी चित्रपटाची घोषणा केली. या चित्रपटाच्या शुटिंगला आता सुरुवात झाली आहे. चित्रपटाच्या सेटवरील एक व्हिडिओ सचिन पिळगावकर यांनी शेअर केला आहे. (Latest News)
'नवरा माझा नवसाचा २' चित्रपटाच्या शुटिंगला सुरुवात झाली आहे. त्यानिमित्त सचिन पिळगावकर यांनी एक व्हिडिओ शेअर केला आहे. त्यात चित्रपटातील अनेक कलाकार दिसत आहे. सर्व कलाकार सेटवर मस्ती करताना दिसत आहे. त्यांनी चित्रपटाच्या शुटिंगला सुरुवात झाल्याचेदेखील सांगितले आहे. 'शूटिंग सुरु, मज्जा सुरु, नवरा माझा नवसाचा २... गणपती बाप्पा मोरया', असं कॅप्शन या व्हिडिओला देण्यात आलं आहे. या व्हिडिओवर लाईक्स आणि कमेंट्सचा वर्षाव होत आहे,
२००४ साली सचिन पिळगांवकर आणि सुप्रिया पिळगांवकर यांचा 'नवरा माझा नवसाचा' चित्रपट प्रदर्शित झाला होता. चित्रपटातील त्यांचा गणपतीपुळेपर्यंत पोहचण्याचा गमतीशीर प्रवास दाखवला आहे. चित्रपटात अशोक मामा, किशोरी शहाणे अशी तगडी स्टारकास्टदेखील पाहायला मिळाली होती. चित्रपटातील गाणी, डायलॉगला प्रेक्षकांनी चांगलीच पसंती दिली होती. त्यानंतर चित्रपटाचा दुसरा भाग 'नवरा माझा नवसाचा २' पाहण्यासाठी प्रेक्षक उत्सुक असल्याचे दिसत आहे.
चित्रपटाचे निर्मिती आणि दिग्दर्शन सचिन पिळगांवकर करणार आहेत. चित्रपटात स्वप्नील जोशी, सचिन पिळगावकर, सुप्रिया पिळगांवकर, हेमल इंगळे,अशोक सराफ, अलीसागर अशी स्टारकास्ट पाहायला मिळणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.