Pravin Tarde Adhik Mas Got Special Gift: धोंड्याच्या महिन्यात जावईबापूंना सासू- सासऱ्यांकडून मोठा मान सन्मान दिला जातो. आपल्या लेकीसोबतच जावयाला सुद्धा गोडा धोडाचं जेवण घालत आपल्या मुलीला मान आणि जावयाला वाण आई- वडील देतात. हा धोंड्याचा महिना ३ वर्षांतून एकदा येत असतो.

सामान्यांपासून अनेक सेलिब्रिटींनी देखील धोंड्याचा महिना सेलिब्रेट केला. नुकताच मराठी सिनेसृष्टीतील एका जोडीची अधिकमासामुळे बरीच चर्चा सुरू आहे. प्रविण तरडे आणि त्याची पत्नी, अभिनेत्री स्नेहल तरडेचा धोंड्याच्या महिन्यात मोठा मानपान करण्यात आला.

अभिनेत्री स्नेहल तरडे सध्या कायमच सोशल मीडियावर सक्रिय असते. नुकतच स्नेहलने सोशल मीडियावर अधिकमासाच्या महिन्यात प्रविणचा धोंड्याच्या महिन्यात सासुरवाडीमध्ये कशाप्रकारे मानपान करण्यात आला, याचा व्हिडीओ शेअर केला आहे.

अभिनेत्रीने शेअर केलेला हा व्हिडीओ सध्या सोशल मीडियावर बराच चर्चेत आला आहे. अभिनेत्रीने शेअर केलेल्या या व्हिडीओत स्नेहलच्या आईने जावयाला (प्रविणला) वाण देत आहे.

वाण देतानाच्या या व्हिडीओवर स्नेहलने 'जामाईबापू जिंदाबाद' असं गाणं शेअर केलं आहे. अभिनेत्रीच्या या व्हिडीओवर चाहत्यांनी कमेंट करून या जोडप्याचे भरभरून कौतुक केले आहे.

अभिनेत्रीने हा व्हिडीओ शेअर करताना, ‘अधिकाचे वाण, जावईबापू अधिकमास’ अशा आशयाचे कॅप्शन देत तिने व्हिडीओ शेअर केला आहे. दिग्दर्शक आणि अभिनेता प्रविण तरडेचं कौतुक होताना पाहून चाहते देखील भारावून गेले आहेत. सध्या प्रविण तरडेचा हा मानपानाचा व्हिडीओ सोशल मीडियावर तुफान व्हायरल होत आहे. स्नेहल आणि प्रविणचं लव्हमॅरेज असून त्या दोघांनीही अनेक चित्रपटांमध्ये एकत्रित काम केले आहे.

स्नेहल तरडे आणि प्रविण तरडे यांनी एकत्रित देऊळ बंद, सरसेनापती हंबीरराव, चौक सोबतच काही प्रविण तरडे दिग्दर्शित चित्रपटातही स्नेहलने प्रमुख भूमिका साकारली आहे.