Pravin Tarade Post: आज महाराष्ट्राच्या आराध्य दैवताची जयंती. छत्रपती शिवाजी महाराजांची जयंती महाराष्ट्रात धुमधडाक्यात जयंती साजरी केली जात आहे. त्यातच अनेक मान्यवरांनी आज सोशल मीडियाच्या माध्यमातून महाराजांना त्रिवार अभिवादन केला आहे. नुकतेच 'सरसेनापती हंबीरराव' चित्रपटाचे दिग्दर्शक प्रवीण विठ्ठल तरडे यांनी महाराजांबद्दल पोस्ट शेअर केली आहे.

'सरसेनापती हंबीरराव' सिनेमात प्रवीण तरडेंनी हंबीररावांची भूमिका साकारली आहे. आज छत्रपती शिवाजी महाराजांच्या जयंतीनिमित्त नुकतेच काही वेळापूर्वी प्रवीण तरडेंनी सोशल मीडियावर पोस्ट शेअर केली आहे. शेअर केलेल्या पोस्टमध्ये प्रवीण तरडेंनी लिहिले की, "जोवर क्षितीजावर सुर्य उगवतोय,तोवर सह्याद्रीच्या कुशीतून महाराज रोज उगवणार " ही ओळ त्यांच्याच चित्रपटातील असून असा आशय देत पोस्ट शेअर केली आहे.

आता पर्यंत दिग्दर्शक प्रवीण तरडेंनी मराठी सिनेसृष्टीला दमदार आशयाचे चित्रपट दिले आहेत. जवळपास प्रवीण तरडेंच्या सर्वच चित्रपटांनी बॉक्स ऑफिसवर चांगली कमाई केली आहे. गेल्या वर्षी प्रदर्शित झालेल्या सर्वच चित्रपटांनी जबरदस्त कमाई करत बॉक्स ऑफिसवर कोट्यावधींचा गल्ला जमावला होता.