Megha Ghadge: मराठी चित्रपटसृष्टीतील अभिनेत्री आणि नृत्यांगना मेघा घाटगे हिने नुकत्याच दिलेल्या मुलाखतीत मनोरंजन विश्वातील काही कटू वास्तवांवर भाष्य करत धक्कादायक अनुभव शेअर केला आहे. “चित्रपटांत काम करायचं असेल तर तडजोड करावी लागते, नाहीतर प्रगती होत नाही,” असे वक्तव्य करत तिने इंडस्ट्रीतील संघर्ष आणि दबावाविषयी उघडपणे मत व्यक्त केले.

मानसिक दबाव टाकला जातो

मेघा घाटगेने सांगितले की, 'करिअरच्या सुरुवातीच्या काळात मलाही अनेक कठीण प्रसंगांना सामोरे जावे लागले. काही लोकांकडून अप्रत्यक्षपणे कॉम्प्रोमाईज करण्याचे संकेत दिले जात होते. चित्रपट किंवा मालिकांमध्ये संधी मिळवण्यासाठी कलाकारांवर अनेकदा मानसिक दबाव टाकला जातो, असेही तिने नमूद केले.

कॉम्प्रोमाइज करावं लागतं

मेघा पुढे म्हणाली की, मी मराठी चित्रपटसृष्टीत आले. त्यावेळी मी एकटी आहे. असे सर्वांना कळले. हिच्याबरोबर कुणी मॅनेजर बोलणार नाही. कॉम्प्रोमाइज करावं लागतं, तसं केलं नाही तर पुढे जाता येणार नाही. अशा गोष्टी होत असतात, असं मला लोकांनी सांगितलं. पण मी त्यांना तिथेच थांबवायचे. पण बाहेर जाताच ते लोक चुकीच्या पद्धतीने जातं. त्यामुळे ते लोक माझी बदनामी करायचे लागले. ही याच्याबरोबर झोपली आहे, आपल्याबरोबर का येत नाही इथपर्यंत लोकांनी माझी बदनामी केली.

पार्टीत घडला धक्कादायक अनुभव

मेघाने पुढे स्पष्ट केले की, एका पार्टीत एका अभिनेत्याने माझे केस पकडले होते. तू कसली आहेस, स्वतःला शहाणी समजतेस वगैरे मला बोलला होता. मी पहिल्यांदाच पार्टीला गेले होते. तिथे जे घडलं तो अनुभव भयंकर होती. त्यावेळी त्या माणसाने सरळ माझे केस पकडले. मला काय करावं सुचलं नाही. मी तिथून निघून गेले, माझी एक मैत्रीण होती तिने त्या अभिनेत्याला रोखलं.