मराठी मालिकांमधील लोकप्रिय सून अभिनेत्री जुई गडकरी (Jui Gadkari ) तिच्या स्वभावाने नेहमीच चाहत्यांचे मन जिंकत असते. तिला 'पुढचं पाऊल' या मालिकेने खूप लोकप्रियता दिली. सध्या जुई आता 'ठरलं तर मग' (Tharla tar mag) या कार्यक्रमात सायलीच्या भूमिकेत दिसत आहे. ही मालिका लोकांना प्रचंड आवडली आहे. गेली दोन वर्ष या मालिकेने प्रेक्षकांचे मनोरंजन केले आहे. तसेच या मालिकेला अनेक पुरस्कार देखील मिळाले आहेत. या मालिकेतही जुईने सूनची भूमिका केली आहे.

जुई गडकरी सोशल मीडियावर खूप सक्रिय असते. आपल्या कामाचे अपडेट ती देत असते. नुकताच तिने आपल्या सोशल मीडियावर एक खास व्हिडीओ शेअर केला आहे. जुई दरवर्षी एका वेगळ्या पद्धतीने दिवाळी साजरी करते. ती सामाजासाठी काहीतरी नेहमीच करताना दिसते.

जुई गडकरी गेले अनेक वर्ष 'शांतिवन' (Shantivan) या आश्रमात जाऊन दिवाळी साजरी करते. जिथे तिला अनेक आजी-आजोबा भेटतात. ज्यांच्यासोबत जुई छान वेळ घालवते. त्यांना मदत करते. यंदाही जुईने आश्रमाची भेट घेतली आहे. ती आश्रमातील लोकांसोबत दिवाळी साजरी करते. आश्रमात गेल्यावर जुईने एक छान गाणे देखील गायले. जुई व्हिडीओमध्ये आजी आजोबांना खाऊ वाटताना दिसत आहे. तर एक आजी प्रेमाने जुईला आशीर्वाद देत डोक्यावर हात ठेवत आहे. या व्हिडीओ चाहत्यांच्या खूप कमेंट्स येत आहेत. चाहते जुईच्या या कृतीचे खूप कौतुक करत आहेत.