मराठी चित्रपट, मालिका आणि रंगभूमीवर छोट्या भूमिकांपासून मुख्य नायकांपर्यंतच्या भूमिका लीलया पार पडणारे सेलिब्रिटी म्हणजे विजय कदम. विजय कदम यांचे कर्करोगामुळे निधन झाले आहे. त्यांची कर्करोगामुळे वयाच्या ६७ व्या वर्षी प्राणज्योत मालवली आहे. त्यांनी आपल्या अभिनयाच्या जोरावर चाहत्यांन खळखळून हसवले आहे.

विजय कदम यांनी हळद रुसली कुंकू हसलं, देखणी बायको नम्याची, पोलिस लाईन, चश्मेबहाद्दर, दे दणादण, सासू नंबरी जावई दस नंबरी, धुरंधर भातवडेकर सारख्या अनेक चित्रपटांतून प्रेक्षकांचे निखळ मनोरंजन केले आहे. त्या शिवाय, भिकाजी राव करोडपती, ती परत आलीये आण शेजारी शेजारी पक्के शेजारी सारख्या अनेक टिव्ही सीरीयलमधून चाहत्यांचे निखळ मनोरंजन केले.

लक्ष्मीकांत बेर्डे आणि विजय कदम यांची मैत्री मराठी फिल्म इंडस्ट्रीमध्ये सर्वश्रृत आहे. त्या दोघांचीही मैत्री १९७८ पासूनची आहे. त्यांनी दोघांनीही अनेक नाटकात एकत्र भूमिका साकारल्या आहेत. फक्त रुपेरी पडद्यावरच नाही तर रियल लाईफमध्येही ते खूप चांगले मित्र होते.

आपल्या विनोदी शैलीमुळे चाहत्यांना खळखळून हसवणाऱ्या विजय कदम आपल्या आजारपणामुळे गेले कित्येक वर्ष अभिनय क्षेत्रापासून दूर होते. त्यांनी अभिनय क्षेत्रात १९८० मध्ये छोट छोट्या भूमिका साकारत पदार्पण केले. त्यांना कर्करोगाचे निदान झाल्यापासून ते फिल्म इंडस्ट्रीपासून दूर होते.