मराठी फिल्म इंडस्ट्रीतील प्रसिद्ध अभिनेत्यांपैकी एक संदीप पाठक आहे. त्याने मराठी मालिका, नाटक आणि चित्रपटांमधून प्रेक्षकांचे निखळ मनोरंजन केले आहे. त्याच्या विनोदी शैलीमुळे इंडस्ट्रीमध्ये त्याचे लाखो चाहते आहेत. विनोदी आणि गंभीर भूमिका संदीपने लिलया भूमिका साकारत प्रेक्षकांचे निखळ मनोरंजन करताना दिसतो. अशातच संदीप पाठक एका नाटकामुळे चर्चेत आहे. त्याचं नाव आहे, 'वऱ्हाड'. 'वऱ्हाड' नाटकाच्या माध्यमातून तो महाराष्ट्रात दौरा करीत आहे.

विलेपार्लेमध्ये संदीप पाठकच्या 'वऱ्हाड' नाटकाचा अंक होता. या अंकाला प्रेक्षकांकडून भर पावसातही उत्तम प्रतिसाद मिळताना दिसत आहे. अभिनेत्याने इन्स्टाग्रामवर एक पोस्ट शेअर केलेली आहे. या पोस्टमध्ये संदीपच्या अभिनयाचे प्रेक्षक कौतुक करताना दिसत आहे. मुंबईमध्ये प्रचंड पाऊस असतानाही गिरगावहून विलेपार्लेमध्ये एक महिला प्रेक्षक त्याचं खास नाटक पाहायला आल्या होत्या. भर पावसातही प्रेक्षक नाटक पाहायला आल्यामुळे अभिनेता भावुक झाला आहे.

शेअर केलेल्या व्हिडिओमध्ये, भर पावसातही त्या आल्यामुळे अभिनेता त्या महिला प्रेक्षकाच्या पाया पडला. यावेळी त्या महिला प्रेक्षकाने संदीपच्या संदीपच्या अभिनयाचेही खूप कौतुक केले. व्हिडिओ शेअर करताना संदीपने कॅप्शन दिले की, "मुंबईत सध्या प्रचंड पाऊस आहे तरिही नाटक बघण्यासाठी ह्या काकू गिरगावाहून विलेपार्ले येथे आल्या. असे मायबाप रसिक नाटकाला येतोत तेव्हा आमची जबाबदारी अधिक वाढते." असं कॅप्शन दिले आहे. नंतर पुढे संदीपने बोरिवली, मुलुंड आणि पुण्यातील 'वऱ्हाड' नाटकाचा टाईमही चाहत्यांसोबत शेअर केलेला आहे.

संदीप पाठक विषयी सांगायचे तर, तो मराठी कलाविश्वातील हरहुन्नरी अभिनेता आहे. संदीप सध्या 'इंद्रायणी' मालिकेत महत्त्वाची भूमिका साकारत असून अभिनेता शेवटचा 'अल्याड पल्याड' चित्रपटातही दिसला होता.