Manoj Bajpayee Post: मनोज बाजपेयी यांनी आज त्यांच्या सोशल मीडिया हँडलवर 'गँग्स ऑफ वासेपूर' या चित्रपटाला १३ वर्षे पूर्ण झाल्याचे सेलिब्रेशन केले. यासोबतच मनोज यांनी चित्रपटाबद्दल एक भावनिक पोस्टही लिहिली. ही पोस्ट सोशल मिडीयावर मोठ्या प्रमाणात व्हायरल होत आहे. जाणून घेऊयात या पोस्ट बद्दल

मनोज यांची इंस्टाग्राम पोस्ट

मनोज बाजपेयी यांनी 'गँग्स ऑफ वासेपूर' चा व्हिडिओ शेअर केला आणि कॅप्शनमध्ये लिहिले, 'हजरत, हजरत, हजरत! १३ वर्षांपूर्वी वासेपूरने भारतीय चित्रपटसृष्टीची पुनर्परिभाषा केली. कोळसा, गुन्हेगारी आणि कल्ट संवादांची गाथा जी अजूनही पडद्यावर गाजत आहे. हा इतिहासिक क्षण बनला आहे. ज्याने भारतीय कल्ट सिनेमाला कायमचे आकार दिला. #१३ वर्षे #गँग्सऑफवासेपूर'

'गँग्स ऑफ वासेपूर' हा चित्रपट

२०१२ मध्ये आलेला 'गँग्स ऑफ वासेपूर' हा एक गँगस्टर ड्रामा चित्रपट आहे. हा चित्रपट अनुराग कश्यप यांनी निर्मित आणि दिग्दर्शित केला आहे. हा चित्रपट कश्यप आणि झीशान कादरी यांनी सह-लेखन केला आहे.

ही कथा धनबादच्या कोळसा माफिया (माफिया राज) आणि तीन गुन्हेगारी कुटुंबांमधील सत्तेच्या संघर्षावर, राजकारणावर आणि सूडावर आधारित आहे. मनोज बाजपेयी व्यतिरिक्त, चित्रपटात नवाजुद्दीन सिद्दीकी, पंकज त्रिपाठी, रिचा चढ्ढा, जयदीप अहलावत, हुमा कुरेशी आणि तिग्मांशू धुलिया सारखे कलाकार देखील महत्त्वाच्या भूमिकांमध्ये आहेत.