छोट्या पडद्यावरील 'महाराष्ट्राची हास्यजत्रा' हा लोकप्रिय शो आहे. गेली अनेकवर्ष हा शो प्रेक्षकांचे निखळ मनोरंजन करत आहे. या शोचा प्रेक्षकवर्ग मोठा आहे. केवळ भारतातच नाही तर परदेशात देखील महाराष्ट्राची हास्यजत्राची क्रेझ आहे. 'महाराष्ट्राची हास्यजत्रा' हा शोचे लाइव्ह शो भारतासह, अमेरिका, ऑस्ट्रेलिया, सिंगापूर, दुबई या ठिकाणी देखील होतात. परदेशातही 'महाराष्ट्राची हास्यजत्रा' शोला प्रेक्षकांची गर्दी असते.

आता 'महाराष्ट्राची हास्यजत्रा' हा लाइव्ह शो अमेरिकेत होणार आहे. अमेरिकेत 'महाराष्ट्राची हास्यजत्रा' हा शो MHJ Live आहे. १९ सप्टेंबर २०२४ ते ६ ऑक्टोबर २०२४ या दरम्यान हा शो होईल. अमेरिकेतील एकूण ११ मोठ्या शहरांमध्ये हा शो पार पडेल.

नुंकतच महाराष्ट्राची हास्यजत्राची संपूर्ण टीम अमेरिकेला रवाना झाली आहे. विमानतळावरचे या टीमचे फोटो सोशल मीडियावर व्हायरल झाले आहेत. चेतना भट,प्रभाकर मोरे, समीर चौघुले, इशा डे, दत्तू मोरे, नम्रता संभेराव, रसिका वेंगर्लेकर ही कलाकार मंडळी अमेरिकत जाण्यासाठी निघाली आहे. अमेरिकेत महाराष्ट्राची हास्यजत्रा शोची धमाल, मस्ती याकडे प्रेक्षकांचे लक्ष लागले आहे.

अभिनेता प्रसाद खांडेकरने सोशल मीडियावर व्हिडीओ पोस्ट केला आहे. विमानतळावरील हा व्हिडीओ असून त्याने "अमेरिका कॉलिंग 'महाराष्ट्र हास्यजत्रा' लाइव्ह सीझन २" असं कॅप्शन दिलय. इशा डेने हम तो चले अमेरिका अशी स्टोरी पोस्ट केली आहे.