Maharashtra Assembly Election: विधानसभा निवडणुकीच्या मतदानाला नुकतीच सुरूवात झाली आहे. आज सकाळी ७ वाजल्यापासून मतदान करण्याला सुरूवात झालीये. सर्वसामान्य मंडळीपासून सेलिब्रिटीदेखील मतदानाचा हक्क बजावत आहेत. नुकतंच अभिनेता रितेश देशमुखने पत्नी जेनेलिया देशमुखसह मतदानाचा हक्क बजावला आहे.

अभिनेता रितेश देशमुख आणि जेनेलिया डिसूझा यांनी लातूर मतदान केंद्रावर पोहोचले. नुकतंच या दोघांनीही विधानसभा निवडणूक २०२४ साठी मतदान केले आहे. सोशल मीडियावर समोर आलेल्या व्हिडीओमध्ये रितेश आणि जेनेलिया मतदान करण्यासाठी मतदान केंद्रात आले आहेत. यावेळी रितेश पाढंऱ्या कुर्त्यात तर जेनेलियानेही पांढरा ड्रेस परिधान केला आहे. हे सेलिब्रिटी कपल फारच सुंदर दिसत आहेत. दोघेही रांगेत उभे राहिले आणि मतदान करण्यापूर्वी आपल्या वेळेची वाट पाहताना दिसले.

दरम्यान मतदान केल्यानंतर, जेनेलियाने मतदान केंद्राबाहेर माध्यमाशी संवाद साधला तेव्हा त्यांनी सर्वांनी मतदानाचा आपला हक्क बजवावा असे आवाहन केले आहे. दोन दिवसांपूर्वीच रितेश देशमुख हे बंधू अमित देशमुख आणि धीरज देशमुख यांच्या प्रचारासाठी मैदानात उतरले होते. विधानसभेच्या निवडणूक रिंगणात अमित देशमुख आणि धीरज देशमुख हे दोघेही उमेदवार आहेत. अमित देशमुख यांच्या प्रचारसभेसाठी रितेश देशमुख देखील उपस्थित होते. रितेश देशमुख यांनी यावेळी मतदान करण्याचे आवाहन केले होते. रितेश देशमुख यांच्या डायलॉगबाजीने यावेळी लक्ष वेधून घेतले. यांच्या सोशल मीडियावर प्रचार सभेचे त्याचे व्हिडीओ व्हायरल झाले आहेत.