निवृत्ती बाबर

Prabhakar More: अनेक कलाकार सध्या राजकारणात सक्रीय आहेत. आपल्या अभिनयासोबतच त्यांची राजकारणातील चर्चाही अनेकदा होते. त्यातच आता महाराष्ट्राची हास्यजत्रा फेम अभिनेते प्रभाकर मोरे यांनी आज राष्ट्रवादी कॉंग्रेसमध्ये केला आहे.

विरोधी पक्षनेते अजित पवार यांच्या उपस्थितीत राष्ट्रवादी कॉंग्रेस पक्षात प्रवेश केला आहे. मुंबईतील राष्ट्रवादी पक्षाच्या कार्यालयात हा पक्ष प्रवेश पार पडला. प्रभाकर मोरे यांनी महाराष्ट्राची हास्यजत्रा, कॉमेडीची बुलेट ट्रेन, शेजारी शेजारी यासारख्या मालिकेत मोरे यांनी प्रमुख भुमिका साकरल्या होत्या.

आता पर्यंत अनेक मराठी सेलिब्रिटींनी राजकारणात सक्रिय प्रवेश केला आहे. अमोल कोल्हे, दीपाली सय्यद, उर्मिला मातोंडकर, आदेश बांदोडकर असे काही कलाकार राजकारणात सक्रिय आहेत. यांच्या नंतर आता महाराष्ट्राचा कॉमेडीवीर प्रभाकर मोरे यांनीही राजकारणात एन्ट्री केली आहे.

प्रभाकर मोरे मुळचे कोकणस्थ. प्रभाकर मोरे सर्वाधिक चर्चेत आले महाराष्ट्राची हास्यजत्रा या कार्यक्रमातून. सोबतच प्रभाकर मोरे यांनी आपल्या कॉमेडीचा डंका महाराष्ट्राची हास्यजत्रेसोबत कॉमेडीची बुलेट ट्रेन, शेजारी शेजारी यासारख्या मालिकेत प्रमुख भुमिका साकरली होती. महाराष्ट्राची हास्यजत्रा या कार्यक्रमात प्रभाकर मोरेंची ओळख 'कोकणचा पारसमणी' म्हणून सर्वाधिक आहे.