छोट्या पडद्यावरील प्रसिद्ध अभिनेत्री दृष्टी धामीने गोंडस मुलीला जन्म दिला आहे. लग्नाच्या ९ वर्षानंतर अभिनेत्रीने चाहत्यांना गुडन्यूज दिली. यानंतर आता दृष्टीने बाळाचा पहिला फोटो शेअर केला आहे. सोशल मीडियावर फोटोला तुफान लाईक्स आले आहेत..

दृष्टीने सोशल मीडियावर नुकतंच एक पोस्ट शेअर केली आहे ज्यामध्ये तीने मुलीला मिठीत घेतलं आहे. संपूर्ण परिवाराचा फोटो शेअर करत दृष्टीने, आता सर्व पार्ट्यांना थोडा उशीर होणार आहे. सर्वांना दिवाळीच्या शुभेच्छा असं कॅप्शन दिलं आहे. सोशल मीडियावर दृष्टीच्या पोस्टवर नेटकऱ्यांकडून लाईक्स आणि कमेंट्सचा वर्षाव होत आहे.

सोशल मीडियावर दृष्टीने आई झाल्याची आनंदाची बातमी शेअर केली होती. सेलिब्रिटी तसेच चाहत्यांकडून दृष्टीवर अभिनंदनाचा वर्षाव झाला. दृष्टीने तिच्या पोस्टमध्ये, “२२ ऑक्टोबर २०२४… आमच्या घरी ती आलीये…थेट स्वर्गातून आमच्या हृदयावर राज्य करण्यासाठी, आम्हाला एक नवीन आयुष्य देण्यासाठी…ती आलीये! ही एक नवीन सुरुवात आहे” यावरून दृष्टीला कन्यारत्न प्राप्ती झाल्याचं सांगितलं होतं.