Gautami Patil Dance : गौतमी पाटीलची आता वेगळी ओळख करुन देण्याची गरज नाही. गौतमी पाटीलने कमी वेळेत मनोरंजन क्षेत्रात आपली वेगळी ओळख निर्माण केली आहे. काही वादांमुळे प्रसिद्धी झोतात आलेल्या गौतमीची लोकप्रियता सध्या शिगेला पोहचली आहे. लहान मुलांपासून ते वयोवृद्धापर्यंत अनेकांना गौतमीची भुरळ पडते.

लावणी डान्सर  गौतमी पाटील राज्यभर डान्सचे कार्यक्रम करत असते. गौतमी पाटीलच्या डान्सचा कार्यक्रम म्हटला की त्या परिसरात तिच्या चाहत्यांनी गर्दी हमखास होणार हे समीकरण सध्या तयार झालंय. त्यामुळे गौतमी पाटील आणि तिचे डान्स कार्यक्रम नेहमीच चर्चेत असतात. गौतमीचा असाच एक तड तड तड... गाण्यावरील व्हिडीओ सध्या सोशल मीडियावर व्हायरल झाला आहे.

गौतमी पाटीलचे डान्स व्हिडीओ सोशल मीडियावरही मोठ्या प्रमाणात व्हायरल होत असतात. पाटलांचा बैलगाडा, चंद्रा, सरकार तुम्ही केलंय मार्केट जाम... अशी विविध गाण्यावरील गौतमच्या डान्स व्हिडीओने सोशल मीडियावर अक्षरश: धुमाकूळ घातला आहे. (Entertainment News)

गौतमी पाटीलचे अनेक फॅन पेज सध्या फेसबूक, इन्स्टाग्राम, यू्ट्युबरवर उपलब्ध आहेत. या माध्यमाध्यमातून गौतमीचे अनेक डान्स व्हिडीओ तिच्या चाहत्यांपर्यंत पोहोचत असतात. मात्र एका वादापासून चर्चेत आलेल्या गौतमीने राज्यभरात मार्केट खरंच जाम केलंय, असंच म्हणावं लागेल.