Lagnanantar Hoilach Prem Latest Promo: स्टार प्रवाहवरील चर्चेत असलेल्या मालिकेत सध्या मोठा खुलासा होणार आहे. मालिकेतील सुनीताला जीवा व काव्याचा एक पुरावा सापडतो. ती कॅफेमध्ये झालेला त्यांचा व्हिडिओ फुटेज ‘पेनड्राइव्ह’मध्येही कॉपी करते.
हा पुरावा सुनीता थेट देशमुखांच्या घरात मानिनी व विक्रमसमोर मांडण्याच्या तयारीत आहे. त्यामुळे लवकरत कथानकात आश्चर्यकारक वळण येण्याची शक्यता वाढली आहे.

मालिकेतील पार्श्वभूमी अशी आहे की, दिवाळीच्या तयारीच्या दरम्यान देशमुख घरात आनंदाचं वातावरण आहे. काव्या व विक्रम घर सजवतात, तर नंदिनी सासू मानिनीसोबत फराळ बनविते.
परंतु या आनंदाच्या पार्श्वभूमीवर आता एक सत्य बाहेर येणार आहे. काव्या आणि जीवाचा भूतकाळ सर्वांसमोर येणार आहे. सुनीता आपल्या हातातील पेनड्राइव्ह उघडते तेव्हा समोर येतात हे दोघांचे खळबळजनक चित्र.

सुनीता म्हणते, “या तूझ्या लक्ष्मीने काय दिवे लावलेत तेही बघ, या पेनड्राइव्हमध्ये काव्या आणि त्या मुलाचं व्हिडीओ आहे. आता तूच बघून ठरव…” असे सांगताना तिच्या आवाजात थरार जाणवतो. या प्रसंगानंतर मानिनी, विक्रम, काव्या व सुनीता हे तिघेही त्या लॅपटॉप व पेनड्राइव्हसमोर बसतात. भावनिक व संवेदनशील क्षण अंगवळणी घेतल्याचं दृश्य या सीनसाठी चित्रित केलं गेलं आहे.

आता प्रश्न असा उभा राहतो की दिलेल्या पुराव्यामुळे काव्या-जीवा यांचा भूतकाळ देशमुख घराण्यासमोर येईल का? आणि हे सारे केवळ मानिनी व विक्रमसमोरच सीमित राहील की संपूर्ण कुटुंबावर परिणाम करेल? हे आगामी भागात सायंकाळी ७ वाजता स्टार प्रवाहवर पाहता येईल.