रॉकी ओर रानी की प्रेम कहाणी या बॉलिवूड चित्रपटामुळे चर्चेत असलेली अभिनेत्री क्षिती जोगच्या आयुष्यात एक धक्कादायक घटना घडली आहे. अभिनेत्री क्षिती जोगच फेसबुक हॅक झालं असल्याची माहिती समोर आली आहे.

क्षिती जोगचा तिचा पती हेमंत ढोमे याने याविषयी माहिती दिली आहे. तसेच त्याने क्षिती जोगच्या फेसबुकचा गैरवापर करण्यात येत असल्याचे देखील सांगितले आहे.

हेमंत ढोमेची पोस्ट

हेमंत ढोमे त्याच्या इंस्टाग्राम स्टोरी क्षितीचा फोटो शेअर करत लिहिले आहे की, "चलचित्र मंडळीच्या निर्माती, अभिनेत्री क्षिती जोग यांचे फेसबुक पेज हॅक करण्यात आले आहे. पेजवरून काही अश्लील व्हिडिओ पोस्ट करण्यात आले आहेत. फॉलोवर्सना विनंती आहे की, अशा पोस्टकडे आपण दुर्लक्ष करावे. आम्ही पेज सुरळीत होण्यासाठी कार्यरत आहोत. तरी प्रेक्षकांनी, चाहत्यांनी संयम ठेवावा ही विनंती. आपल्या मनोरंजनासाठी सदैव तत्पर. - चलचित्र मंडळी"