भारतीय संघाचा (Team India) सलामवीर फलंदाज आणि आयपीएल मधील लखनै संघाचा कर्णधार असलेल्या केएल राहुलचा आज ३० वा वाढदिवस आहे. राहुलच्या या वाढदिवसाच्या दिवशी त्यांची गर्लफ्रेंड आथिया शेट्टीने एक खास पोस्ट करुन त्याचा बर्थ डे आणखी खास बनवला आहे. राहुलच्या बर्थ डेच्या दिवशी अथियाने (Athiya Shetty) त्याला सोशियल मीडियाच्या माध्यमातून शुभेच्छा दिल्या आहेत. अथियाने आपल्या इंस्टाग्राम अकाऊंटवरुन केएल राहुलचे काही फोटो शेअर केले आहेत.

पहिल्या फोटोमध्ये आथियाने केएल राहुलला मिठी मारली आहे. तर दुसऱ्या फोटोमध्ये केएल राहुल आणि अथिया हातात हात घालून फिरत आहेत. तिसरा फोटो हा विमानातील आहे. फोटो शेअर केल्यानंतर त्याला कॅप्शनही दिले आहे. ' तुझ्यासोबत कुठेही, हॅप्पी बर्थ डे' असे कॅप्शन त्या फोटोला दिले आहे. केएल राहुल आणि अथियाची लव्हस्टोरी कायम चर्चेचा विषय राहिला आहे. अथिया आता सुरु असलेल्या आयपीएल सामन्यादरम्यान मैदानात हजर असते आणि लखनौच्या संघाला सपोर्ट करताना दिसते. नुकत्याच एका सामन्यात केएल राहुलने यंदाच्या हंगामातील पहिले शतक झळकावले त्यावर सुनील शेट्टी आणि अथिया दोघांनी प्रतिक्रिया दिली होती. ती ही पोस्ट तुफान व्हायरल झाली होती.

Edited By: Pravin Dhamale