KKBKKJ 4th Day Box Office: बॉलीवूड सुपरस्टार सलमान खान प्रमुख भूमिकेत असलेला ‘किसी की भाई किसी की जान’ हा चित्रपट ईदच्या मुहूर्तावर चित्रपटगृहांमध्ये प्रदर्शित झाला. चित्रपटाने पहिल्या दिवशी बॉक्स ऑफिसवर आपली खास जादु दाखवली नसून शनिवारी अर्थात ईदच्या दिवशी आणि रविवारी पहिल्या विकेंडला चित्रपटाने चांगलीच कमाई केली.

सलमानच्या चित्रपटाची क्रेझ नेहमीच चाहत्यांमध्ये होत असते. ‘किसी की भाई किसी की जान’ (KKBKKJ) या चित्रपटाला प्रेक्षकांकडून दिलासादायक प्रतिसाद मिळत आहे. अशातच ‘किसी की भाई किसी की जान’ या चित्रपटाने सोमवारी म्हणजेच प्रदर्शनाच्या चौथ्या दिवशी किती कमाई केली आहे, यावर एक नजर टाकुया...

‘किसी की भाई किसी की जान’मध्ये सलमान खान आणि पूजा हेगडे यांची जोडी पहिल्यांदाच ऑनस्क्रीन रोमान्स करताना दिसत आहे. या जोडीची केमिस्ट्री प्रेक्षकांना फारच भावली आहे. यासोबतच हा चित्रपट बॉक्स ऑफिसवर चांगला व्यवसाय करत आहे.

चित्रपटाच्या कमाईबद्दल बोलायचे झाले तर, सलमानच्या चित्रपटाने पहिल्या दिवशी 15.81 कोटींची कमाई केली आहे. चित्रपटाने दुसऱ्या दिवशी 25.75 कोटी तर तिसऱ्या दिवशी अर्थात रविवारी 26.61 कोटींची कमाई केली. फिल्म ॲनालिटीक्स तरण आदर्श यांनी 'किसी का भाई किसी की जान'च्या चौथ्या दिवशी म्हणजेच सोमवारच्या कमाईचे आकडे जाहीर केले आहेत.

तरण आदर्श यांनी ट्विटरवर चौथ्या दिवसाची कमाई शेअर केली आहे. शेअर केलेल्या आकड्यानुसार, सोमवारी ‘किसी की भाई किसी की जान’ने 10.17 कोटींचा व्यवसाय केला आहे. चित्रपटाने आतापर्यंत एकूण 78.34 कोटींची कमाई केली आहे. मात्र, रविवारी केलेली कमाई पाहता सोमवारी चित्रपटाच्या कमाईत बरीच घसरण झालेली दिसत आहे, पण नॉन हॉलिडेनुसार सलमान खानच्या चित्रपटाचे हे कलेक्शन ठीक मानले जात आहे. (Bollywood Film)

सलमान खान निर्मित, फरहाद सामजी दिग्दर्शित ‘किसी की भाई किसी की जान’ या चित्रपटात सलमान खान आणि पूजा हेगडे सोबत व्यंकटेश दग्गुबती, जगपती बाबू, भूमिका चावला, विजेंदर सिंग, अभिमन्यू सिंग, राघव जुयाल, सिद्धार्थ निगम, जस्सी गिल, शहनाज गिल, पलक तिवारी आणि विनाली भटनागर हे कलाकार मुख्य भूमिकेत दिसणार आहे. हा चित्रपट ॲक्शन, फॅमिली-ड्रामा आणि रोमान्सने भरलेला मसाला आपल्याला पाहायला मिळणार आहे.