Ketaki Chitale Got Trolled: आज ६२वा महाराष्ट्र दिन आहे. १ मे १९६० रोजी बॉम्बे या क्रेंद्रशासित प्रदेशातून महाराष्ट्र आणि गुजरात विभक्त झाले आणि दोन नवीन राज्य स्थापन झाली. अनेक कलाकार महाराष्ट्राचे महत्त्व सांगणाऱ्या, महाराष्ट्राचा गौरव करणाऱ्या पोस्ट करत आहेत. अभिनेत्री केतकी चितळेने देखील महाराष्ट्र दिनी पोस्ट केली आहे.

अभिनेत्री केतकी चितळेने तिच्या इन्स्टाग्राम स्टोरीवर क्विझ शेअर केले आहे. या प्रश्नाच्या शृंखलेमध्ये तिने महाराष्ट्र दिनानिमित्त काही प्रश्न विचारले आहेत.

तिने इन्स्टाग्राम स्टोरीवर विचारलेल्या प्रश्नांमध्ये पुढील प्रश्नाचा समावेश आहे. किती जणांना मारून टाकण्यात आले?, कुणाच्या वृत्तपत्राचे प्रमुख योगदान ठरले संयुक्त महाराष्ट्राच्या चळवळीत?, बॉम्बेचे पहिले मुख्यमंत्री कोण?, फ्लोरा फाउंटनचे हुतात्मा चौक कधी झाले? या प्रश्नांमुळे केतकी महाराष्ट्र दिनी पुन्हा चर्चेत आली आहे.