Merry Christmas Movie Update: कतरिना कैफ आणि विजय सेतुपती यांचा 'मेरी ख्रिसमस' हा चित्रपट त्याच्या निश्चित तारखेला प्रदर्शित होणार नाही. 'मेरी ख्रिसमस' हा चित्रपट यावर्षी 23 डिसेंबर रोजी प्रदर्शित होणार होता. निर्मात्यांनी आता हा चित्रपट 2023 मध्ये प्रदर्शित करण्याचा निर्णय घेतला आहे. तसेच या चित्रपटाच्या प्रदर्शनाची नवीन तारीख लवकरच सांगू असे जाहीर केले आहे. म्हणजेच 'मेरी ख्रिसमस'ची बॉक्स ऑफिसवर टायगर श्रॉफच्या 'गणपत' आणि रणवीर सिंगच्या 'सर्कस'शी टक्कर होणार नाही. (Katrina Kaif)

'मेरी ख्रिसमस'सह आणखी दोन चित्रपट प्रदर्शित होणार आहेत. निर्मात्यांनी ‘प्रचंड स्पर्धा’ टाळण्यासाठी प्रदर्शनाची तारीख बदलली आहे. सुरुवातीला 'मेरी ख्रिसमस' 23 डिसेंबरला प्रदर्शित होणार होता, पण त्याच दिवशी 'गणपत' आणि 'सर्कस' प्रदर्शित होणार असल्याने बॉक्स ऑफिसवर ती जबरदस्त लढत असेल. अशा वेळी प्रेक्षकांना भुरळ घालण्यासाठी चित्रपटाला प्रचंड स्पर्धेला सामोरे जावे लागेल. 'मेरी ख्रिसमस'कडे सगळ्यांचे लक्ष जावे आणि त्याची कमाई वाढावी यासाठी निर्मात्यांनी त्यांच्या चित्रपटाच्या प्रदर्शनाची तारीख बदलण्याचा निर्णय घेतला आहे, अशी माहिती सूत्रांनी दिली आहे. (Movie)

श्रीराम राघवन दिग्दर्शित मेरी ख्रिसमस, अनुकृती पांडे आणि श्रीराम राघवन यांनी एकत्रित लिहिला आहे. या चित्रपटाच्या माध्यमातून पहिल्यांदाच कतरिना कैफ आणि विजय सेतुपती एकत्र काम करणार आहेत. या दोन्ही कलाकारांचा राघवनसोबतचा हा पहिला चित्रपट आहे. कतरिना आणि विजय सेतुपती यांच्याशिवाय या चित्रपटात संजय कपूर, विनय पाठक, टिन्नू आनंद, प्रतिमा काझमी, षणमुगराजन, केविन जय बाबू आणि राधिका सरथकुमार यांच्याही प्रमुख भूमिका आहेत. मेरी ख्रिसमसची निर्मिती रमेश तौरानी यांच्या टिप्स इंडस्ट्रीज आणि मॅचबॉक्स पिक्चर्स प्रा.लि.च्या सहकार्याने केली आहे. (Bollywood)