मुंबई - कतरिना कैफ (Katrina Kaif) आणि विकी कौशल (Vicky Kaushal) या दोघांचे लग्न अवघ्या काही दिवसांवर येऊन ठेपले आहे. असे असले तरी या दोघांनीही आतापर्यंत लग्नाबाबतच्या कोणत्याही बातमीला दुजोरा दिलेला नाही. असे असले तरी कतरिना आणि विकी डिसेंबरमध्ये शाही विवाह करणार अशी जोरदार चर्चा आहे. मीडिया रिपोर्टसनुसार, या दोघांचे लग्न 7-10 डिसेंबरला राजस्थान या ठिकाणी होणार आहे.

हे देखील पहा -

कतरिना आणि विकीच्या लग्नासंबंधित रोज नवीन माहिती समोर येत आहे. त्यात आता या दोघांच्या लग्नाला हजेरी लागवणाऱ्या पाहुण्यांसाठी काही खास नियम आणि अटी ठेवण्यात आल्या आहेत अशी माहिती समोर आली आहे.

प्राप्त माहितीनुसार, लग्नात पाहुण्यांना मोबाईल फोन वापरण्याची परवानगी नसणार आहे. याचं कारण म्हणजे त्यांना लग्नातील फोटो लीक होण्याची भीती आहे. दुसरी अट, पाहुण्यांना नॉन डिस्क्लोजर अॅग्रीमेंट मान्य करावे लागणार आहे ज्यामध्ये पाहुण्यांना लग्नासंबिंधित कोणताही फोटो किंवा व्हिडीओ सोशल मीडियावर पोस्ट करता येणार नाही. लग्नासाठी आमंत्रित पाहुण्यांना एक सीक्रेट कोड देण्यात येतील. हे सीक्रेट कोड कतरिना आणि विकीच्या नावाशी संबंधित असल्याची माहिती आली आहे. या विवाह सोहळ्यासाठी मोजक्या लोकांना आमंत्रण देण्यात आल्यामुळे त्यांचा काही मित्रपरिवार दु:खी असल्याचे देखील बोलले जात आहे.

Edited By - Shivani Tichkule