Death News: "कसौटी जिंदगी की" या मालिकेतील प्रसिद्ध कलाकार करणवीर बोहराचे वडील प्रसिद्ध निर्माते महेंद्र बोहरा यांचे निधन झाले आहे. ते एक प्रसिद्ध निर्माते होते. वडिलांच्या निधनाबद्दल दुःख व्यक्त करताना करणवीरने बुधवारी इंस्टाग्रामवर वडिलांसाठी एक खास इमोशनल पोस्ट लिहिली आहे.

पोस्टमध्ये काय आहे?

करणवीर बोहराने इंस्टाग्रामवर वडिलांचा फोटो शेअर करत लिहिले, "तुम्हाला खूप प्रेम बाबा. मला तुमची खूप आठवण येईल. ज्यांनी आपले आई-वडिल गमावले आहेत त्यांना माहित आहे की हा त्रास काय आहे. या वेदनेमध्येही, तुम्ही एक पूर्ण, सुंदर जीवन जगलात हे जाणून मला शांती मिळते. तुम्ही आम्हाला नेहमी जसे हवे होते तसेच दिले. शांतपणे आणि कोणत्याही वेदनाशिवाय. तुम्ही म्हणायचात की तुम्हाला तुमचे बूट घालून या जगाचा निरोप घ्यायचा आहे आणि नेमकं तसंच झालं."

वडिलांनी आम्हाला खूप काही शिकवलं

करणवीरने पुढे लिहिले, "तुम्ही दीदी आणि मला खरोखर महत्त्वाची शिकवण दिलीत. जीवन कितीही कठीण असले तरी, होप टिकवून ठेवणे. पडल्यावर पुन्हा उठा. कधीही हार मानू नका. तुम्ही मला स्वप्न पहायला शिकवलत त्यासाठी थँक्यू.

महेंद्र बोहरा हे अनेक दशकांपासून हिंदी चित्रपटसृष्टीशी जोडलेले होते. "तेजा" आणि "टक्कर" सारख्या चित्रपटांसाठी ते प्रसिद्ध होते. महेंद्र बोहरा हे दिग्गज चित्रपट निर्माते रामकुमार बोहरा यांचे पुत्र होते. त्यांनी सोनाली बेंद्रे, सुनील शेट्टी आणि नसीरुद्दीन शाह सारख्या अनेक स्टार्ससोबत चित्रपट बनवले.