छोट्या पडद्यावरील अभिनेत्री हिना खान तिच्या वैयक्तिक आयुष्यामुळे चर्चेत आहे. अलिकडेच हिना खानने तिला तिसऱ्या स्टेजचा कॅन्सर असल्याची माहिती दिली होती. यानंतर अभिनेत्री हिना खानवर रूग्णालयात उपचार सुरू होते. सध्या हिनाची किमोथेरपी सुरू आहे. अशातच हिनाने काही काळ ब्रेक घेतल्यानंतर हिना परत दिसत आहे. नुकतंच सोशल मीडियावर हिनाचा व्हिडीओ व्हायरल होत आहे. जो सर्वांचेच लक्ष वेधून घेत आहे.

नुकतंच एका अवॉर्ड शोला हिनाने उपस्थित होती. याच अवॉर्ड शोच्या कार्यक्रममध्ये अभिनेता कार्तिक आर्यन देखील आला होता. यावेळी हिना खान येताच कार्तिक आर्यन बसलेला असतो त्या जागेवरून उठतो आणि ती जागा हिनाला बसायला देतो. कार्तिकने केलेल्या या कृत्याचं सर्वत्र कौतुक होत आहे.

सोशल मीडियावर हिनाचा हा व्हिडीओ तुफान व्हायरल होत असून सर्वत्र कार्तिकवर कौतुकाचा वर्षाव होत आहे या व्हिडीओवर एका नेटकऱ्यांने, हिना आणि कार्तिकबद्दल रिस्पेक्ट असल्याचं म्हटलं आहे. तर आणखी एकाने, हिना लवकर बरी व्हावी यासाठी प्रार्थना करत असल्याचं म्हटलं आहे. तर काहींना कार्तिकबद्दल प्रेम व्यक्त केले आहे.