Karthi Facebook Account Hack: दाक्षिणात्य चित्रपटसृष्टीतील अनेक चित्रपट बॉक्स ऑफिसवर चांगलाच धुमाकुळ घालत आहे. त्यातील एक चित्रपट म्हणजे, 'पॉन्नियन सेल्वन'. कार्थीने या चित्रपटात मुख्य भूमिका साकरली होती. कार्थीला नेहमीच सर्वोत्कृष्ट चित्रपटांसाठी आणि त्याच्या उत्तमोत्तम अभिनयासाठी ओळखले जाते.

नुकताच तो एका विषयामुळे बराच चर्चेत आला आहे. त्याचे फेसबुक अकाऊंट हॅक झाल्याने तो चर्चेत आला आहे. त्याचे फेसबुक अकाऊंट हॅक झाल्याने त्याच्या चाहत्यांना आश्चर्याचा धक्का बसला आहे.

ही माहिती स्वत: कार्थीने त्याच्या ट्विटर हॅंडलवरुन शेअर केली आहे. कार्थी सोशल मीडियावर नेहमीच सक्रिय असतो. तो फेसबुकच्या माध्यमातून बऱ्याच विविध पोस्ट शेअर करत असतो. कार्थीने सकाळी फेसबुक अकाऊंट हॅक झाल्याची माहिती दिली होती.

काही वेळेपुर्वीच त्याने त्याचे फेसबुक अकाऊंट हॅक झाल्याचे स्पष्ट केले आहे. त्यात तो म्हणतो, "नमस्कार मित्रांनो, माझे फेसबुक पेज हॅक झाले आहे. आम्ही ते पुन्हा रिस्टोअर करण्याचा प्रयत्न करत आहोत." कार्थीचे हे ट्वीट सध्या चांगलेच व्हायरल होत आहे. त्याचे अनेक चाहते त्यावर कमेंट करताना दिसत आहे.

अभिनेता कार्थीसाठी 2022 हे वर्ष खूप महत्त्वाचे ठरले. विशेषत: गेले काही महिने तो व्यावसायिक आघाडीवर दिसत होता. या वर्षात कार्थी 'पोन्नियन सेल्वन' आणि 'सरदार' दोन चित्रपटांनी चांगलाच चर्चेत आला होता. मनिरत्नम दिग्दर्शित 'पोन्नियन सेल्वन' ३० सप्टेंबरला प्रदर्शित झाला असून चित्रपटाने अनेक कोटींची कमाई केली होती.