Friendship Day 2022 |मुंबई : बॉलिवूडचा निर्माता आणि दिग्दर्शक करण जोहर(Karan Johar) आणि प्रसिद्ध नृत्यदिग्दर्शिका फराह खानच्या(Farah Khan) मैत्रीचे किस्से बी-टाऊनमध्ये नेहमीच चर्चेचा विषय असतात. आज फ्रेंडशिप डेच्या निमित्ताने करण आणि फराहने एक व्हिडिओ शेअर केला आहे. दोघेही एकमेकांनची मस्करी करण्यात किती पटाईत आहेत हे या व्हिडिओमध्ये दिसून येते. या व्हिडिओमध्ये करण आणि फराहने एकमेकांना टॅग केले आहे. हा व्हिडिओ खूपच मजेदार आहे. यामध्ये करण फराहच्या फॅशन सेन्सची खिल्ली उडवताना दिसत आहे. याला प्रत्युत्तर देताना फराहही त्याचा खरपूस समाचार घेताना दिसत आहे.

फराह खान आणि करण जोहरने शनिवारी रात्री त्यांच्या इन्स्टाग्राम हॅंडलवर व्हिडिओ शेअर केला. यामध्ये करण जोहर फराह खानच्या फॅशन सेन्सची खिल्ली उडवत तिला लाल रंगाचे कपडे परिधान करण्यासाठी 'स्टॉप साइन' म्हणून चिढवतो. करण फराहच्या नेकपीसचीही खिल्ली उडवतो आणि म्हणतो की हे नेकपीस एखाद्या मॅडलसारखे दिसते

फराह खान लगेच त्याला प्रतिउत्तर देते आणि म्हणते, 'नाही, हे मॅडलतुझ्यासोबत २५ वर्षांची मैत्री टिकवली म्हणून आहे. यानंतर फराह करण जोहरच्या घातलेल्या शर्टची खिल्ली उडवत म्हणते 'अरे देवा, तुझा शर्ट. इतके चेहरे आहेत का तुझे? एक चेहरा यशस्वी लोकांसाठी आणि बाकी चेहरे जे प्रयत्न करतात त्यांच्यासाठी हो ना?'

करण जोहरने उत्तर दिले, 'फराह मी पक्षपाती नाही. जा, मी तुझ्याशी बोलणार नाही'. या करण आणि फराहच्या मिश्कील व्हिडीओवर चाहते मोठ्या प्रमाणात शेअर करून कमेंट करत आहेत.

'रॉकी और रानी की प्रेम कहानी' या चित्रपटासाठी करण जोहर आणि फराह खान बऱ्याच काळानंतर एकत्र काम करत आहेत. त्यांनी शेवटचे 'स्टुडंट ऑफ द इयर' मध्ये एकत्र काम केले होते, ज्या चित्रपटातून आलिया भट्ट, वरुण धवन आणि सिद्धार्थ मल्होत्रा ​​यांनी बॉलिवूडमध्ये पदार्पण केले होते. फराहने या चित्रपटात कॅमिओही केला होता.