दिवाळीच्या सणाचा उत्साह सर्वत्र पाहायला मिळतो. सर्वत्र आनंदी वातावरण असतं. सर्वसामान्यापासून ते सेलिब्रिटी सर्वचजण दिवाळी साजरी करतात. खास दिवाळीच्या शुभमुहूर्तावर नवनवीन गोष्टी खरेदी केल्या जातात. अशातच बिग बॉस मराठी फेम जान्हवी किल्लेकरने स्वत:साठी वस्तू खरेदी केली आहे.

जान्हवी किल्लेकरने सोशल मीडियावर एक व्हिडीओ शेअर केला आहे. जान्हवीने दिवाळीनिमित्त खास गिफ्ट खरेदी केलं आहे. जान्हवीने स्वत:साठी सोनं खरेदी केलं आहे. खास बिग बॉसचं इव्हिल आय सोन्याचे ब्रेसलेट गिफ्ट जान्हवीने घेतलं आहे.

सोशल मिडिया खास पोस्ट शेअर करत जान्हवीने," आजचा व्हिडीओ बनवण्याचं खास कारण आहे. पाडव्याच्या निमित्तानं मी स्वत:ला एक गिफ्ट दिलं आहे. हे गिफ्ट तसं छोटचं आहे. पण ते माझ्यासाठी खूप खास आहे. बिग बॉस माझ्या आयुष्यात खूप महत्वाचे आहेत. कारण आज मी जे काही आहे त्यांच्यामुळेच आहे."

जान्हवीने शेअर केलेल्या व्हिडीओवर तुफान प्रतिक्रिया येत आहेत. जान्हवी किल्लेकर बिग बॉस मराठी पाचव्या पर्वाची स्पर्धक होती. बिग बॉसच्या घरात जान्हवीने प्रेक्षकांचे चांगलेच मनोरंजन केले. सहा फायनालिस्टमध्ये जान्हवी होती.