Rashmika Madanna Affairs: भारतीय क्रिकेट संघाचा सलामीवीर फलंदाज शुभमन गिल सध्या आपल्या शानदार कामगिरीमुळे आणि त्याच्या अफेअरच्या बातम्यांमुळे सोशल मीडियावर चर्चेत आहे. भारतीय क्रिकेट संघाचा युवा फलंदाज गिलचा आतापर्यंत बॉलिवूडमधील अनेक अभिनेत्रींशी संबंध जोडला गेला आहे. यापूर्वी त्याचे नाव महान क्रिकेटपटू सचिन तेंडुलकरची मुलगी सारा तेंडुलकर हिच्याशी जोडले गेले होते.

यानंतर बॉलिवूड अभिनेत्री सारा अली खानसोबतही त्याच्या अफेअरच्या चर्चा रंगल्या होत्या. आता नॅशनल क्रश म्हणून सर्वत्र प्रसिद्ध असलेली रश्मिका मंदान्नाचं नाव आता शुभमन सोबत जोडले जात आहे.

शुभमन गिल सध्या ऑस्ट्रेलियाविरुद्ध (IND vs AUS) कसोटी मालिकेत व्यस्त आहे. सध्या सोशल मीडियावर त्याचा फोटो बराच व्हायरल होत आहे. इंस्टाबॉलिवूड या इंस्टाग्राम चॅनलने सोशल मीडियावर शुभमन गिल आणि रश्मिका मंदान्ना यांचा कोलाज फोटो शेअर करताना लिहिले की, 'क्रश अपडेट' रश्मिका मंदाना. यानंतर सोशल मीडियावर नेटकऱ्यांच्या भन्नाट कमेंट त्या पोस्टवर येत आहेत. गिलनेही सोशल मीडियाच्या माध्यमातून चाहत्यांसमोर येत त्या पोस्टमागील सत्य सांगितले.

शुभमन गिलने लिहिले की, 'कोणता मीडिया संवाद होता, ज्याबद्दल मला माहितीही नाही.'रश्मिकाची नॅशनल क्रश म्हणून ओळख आहे. २०२२ मध्ये शुभमन आणि सारा अली खानच्या रिलेशनची चर्चा गेल्या अनेक दिवसांपासून होत आहे. गेल्या काही दिवसांपुर्वी दोघांचा हॉटेलमधून बाहेर पडतानाचा फोटो सोशल मीडियावर व्हायरल झाला होता.

यापूर्वी दोघांनीही फ्लाइटमध्ये एकत्र प्रवास केल्याचे फोटो सोशल मीडियावर व्हायरल झाले होते, मात्र दोघांनीही अद्याप त्यांच्या नात्याबाबत कोणतेही अधिकृत वक्तव्य दिलेले नाही.

नुकतेच एकदिवसीय क्रिकेटमध्ये द्विशतक झळकावणाऱ्या शुभमन गिलने अहमदाबाद येथे सुरू असलेल्या ऑस्ट्रेलियाविरुद्धच्या चौथ्या कसोटी सामन्यात धडाकेबाज शतक झळकावले. गिलच्या कसोटी कारकिर्दीतील हे दुसरे शतक आहे.

केएल राहुलच्या जागी त्याला संघात संधी मिळाली. गिलने दोन्ही हातांनी ही संधी साधली. गिलच्या शतकाच्या जोरावर भारताने पहिल्या डावात 480 धावांचा डोंगर उभा करणाऱ्या ऑस्ट्रेलियाला चोख प्रत्युत्तर दिले आहे.