Pakistani Celebrities Banned in india Saam Tv
मनोरंजन बातम्या

Pakistani Celebrities: फवाद, माहिरा ते शाहिद आफ्रिदी...; भारताने २४ तासांत पुन्हा पाकिस्तानी सेलिब्रिटींच्या सोशल मीडियावर घातली बंदी

Pakistani Celebrities Banned in india: भारतात पाकिस्तानी सेलिब्रिटींच्या सोशल मीडिया हँडलवरील बंदी अलिकडेच उठवण्यात आली होती, परंतु त्यानंतर अवघ्या एका दिवसात त्यांच्यावर पुन्हा बंदी घालण्यात आली आहे.

Shruti Vilas Kadam

Pakistani Celebrities Banned in india: पहलगाममधील दहशतवादी हल्ल्यानंतर भारत आणि पाकिस्तानमधील संबंध बरेच बिघडले. त्यानंतर भारताने ऑपरेशन सिंदूरच्या माध्यमातून दहशतवाद्यांकडून बदला घेतला. ऑपरेशन सिंदूर दरम्यान, बहुतेक पाकिस्तानी सेलिब्रिटींच्या सोशल मीडिया हँडलवर भारतात बंदी घालण्यात आली होती. बुधवारी या अकाउंट्सवरील बंदी उठवण्यात आली होती, परंतु त्यानंतर अवघ्या एका दिवसातच या अकाउंट्सवर पुन्हा बंदी घालण्यात आली आहे. या यादीत शाहिद आफ्रिदी आणि हानिया आमिरसह अनेक सेलिब्रिटींचा समावेश आहे.

खरं तर, बुधवारी काही तासांसाठी पाकिस्तानी स्टार्सची अकाउंट्स भारतात दिसू लागली. सोशल मीडिया अकाउंट्सवरील बंदी उठवण्यात आली असल्याचा अंदाज वर्तवला जात होता, परंतु गुरुवारी पुन्हा पाकिस्तानी स्टार्सची अकाउंट्स भारतात दिसणे बंद झाले. शाहिद आफ्रिदी, फवाद खान किंवा माहिरा खान यांच्या अकाउंट्स शोधल्यावर असे लिहिले आहे की 'हे अकाउंट भारतात उपलब्ध नाही.' तथापि, या प्रकरणावर सरकारकडून कोणतीही प्रतिक्रिया आलेली नाही.

अनेक पाकिस्तानी स्टार्सच्या अकाउंट्सवर बंदी

हानिया आमिरने अलीकडेच भारतीय अभिनेता दिलजीत जोसांझसोबत 'सरदार जी ३' या चित्रपटात काम केले आहे. यामुळे बराच वाद निर्माण झाला होता. हानियाच्याही अकाउंटवर भारतात बंदी घालण्यात आली आहे. तिच्यासोबत, माहिर खान, फवाद खान, शाहिद आफ्रिदी, मावरा होकेन, सबा कमर आणि अली जफर यांच्यासह अनेक स्टार्सचे अकाउंट भारतात दिसत नाहीत.

भारत आणि पाकिस्तानमधील तणाव

पहलगाम दहशतवादी हल्ल्यात अनेकांना पर्यटकांना आपले प्राण गमवावे लागले. त्यानंतर भारताने ऑपरेशन सिंदूर दरम्यान १०० हून अधिक दहशतवाद्यांचा खात्मा केला. तणावाच्या परिस्थितीत भारताने पाकिस्तानच्या स्टार्सच्या अकाउंट्सवर बंदी घातली. ऑपरेशन सिंदूर दरम्यान पाकिस्तानने भारतातील अनेक शहरांवर हल्ला करण्याचा प्रयत्नही केला, परंतु भारतीय सैन्याने प्रत्येक हल्ला हाणून पाडला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Bhiwandi Accident: देवदर्शनावरून घरी परतताना काळाचा घाला; मुंबई-नाशिक महामार्गावर दुचाकीचा अपघात, बापलेकीचा मृत्यू

Leopard Attack: मैत्रीला जागला...! बिबट्याचा कुत्र्यावर हल्ला, श्वानाच्या निडर मैत्रीसमोर बिबट्याची माघार Video Viral

IPS Anjana Krishna: आधी वाद नंतर अजितदादांची स्पष्टीकरणाची पोस्ट; उपमुख्यमंत्र्यांनाच पॉवर दाखवणारी अंजली कृष्णा नेमक्या कोण?

Vanraj Andekar Case: तोच महिना अन् आंदेकर टोळीने नाना पेठेतच आयुषचा गेम केला, पुण्यात रक्तरंजित थरार

HIV: एचआयव्हीच्या रुग्णांनी कोणत्या गोष्टी केल्या पाहिजेत?

SCROLL FOR NEXT