Hou De Dhingana 2 Latest Promo:

स्टार प्रवाहवरील 'होऊ दे धिंगाणा 2' हा कार्यक्रम खूप जास्त लोकप्रिय आहे. टीआरपीच्या शर्यतीत हा कार्यक्रम नेहमी पहिल्या स्थानावर असतो. सिद्धार्थ जाधवचं सुत्रसंचालन या कार्यक्रमाला अधिकच रंजक बनवतो. कार्यक्रमात प्रत्येक भागात वेगवेगळ्या मालिकेतील कलाकार हजेरी लावतात आणि धिंगाणा घालतात.

'होऊ दे धिंगाणा 2' मालिकेची सोशल मीडियावर प्रचंड क्रेझ आहे. कार्यक्रमाच्या पहिल्या भागाला प्रेक्षकांनी खूप चांगला प्रतिसाद दिला होता. त्यानंतर आता 'होऊ दे धिंगाणा 2' कार्यक्रम घराघरात पाहिला जातो. नुकताच या कार्यक्रमाचा एक प्रोमो सोशल मीडियावर प्रचंड व्हायरल होत आहे.

येत्या शनिवारी 'होऊ दे धिंगाणा २' च्या मंचावर 'आई कुठे काय करते' आणि 'अबोली' या मालिकेची टीम हजेरी लावणार आहे. तसेच कार्यक्रमात 'झिम्मा २' ची टीमदेखील हजेरी लावणार आहे. कार्यक्रमाचा नवीन प्रोमो खूप जास्त मजेशीर आहे. प्रोमोत अरुंधती गाणं गाताना दिसत आहे.

प्रोमोच्या सुरुवातील मंचावर सिद्धार्थ जाधव, मधुराणी प्रभुलकर, हेमंत ढोमे आणि सचित पाटील दिसत आहे. यात सिद्धार्थ जाधव अरुंधतीला म्हणतो की, 'आपल्याकडे नऊ रस आहेत. जो रस मी म्हणेन त्या रसात तू गाणं म्हणायचं. त्यानंतर सिद्धार्थ म्हणतो की, रौद्ररस... यावर अरुंधती मोठ्या आवाजात राग दाखवत कसं काय पाटील बर हाय का.. हे गाणं गाते. त्यानंतर सिद्धार्थ म्हणतो, शृगांर रस. त्यानंतर अरुंधती जरा हलक्या आवाजात गाणं गाते. यावेळी सर्वजण तिची मज्जा घेताना दिसत आहे. त्यानंतर तिला हास्य रसात गाणं म्हणायला सांगतात. त्यावर ती मोठमोठ्याने हसते. या प्रोमोत सर्व कलाकार खूप जास्त मज्जा करताना दिसत आहे.

'होऊ दे धिंगाणा २' या कार्यक्रमाच्या येत्या भागात 'झिम्मा २' चे कलाकार दिसणार आहेत. प्रमोशनसाठी हे कलाकार उपस्थित राहणार आहे. कार्यक्रमाच्या येत्या भागात खूप जास्त मज्जा केल्याचे दिसत आहे. येत्या भागात सिद्धार्थ चांदेकर कलाकारांकडून कोणते नवे खेळ खेळून घेणार? हे पाहणं खूप मजेशीर ठरणार आहे.