Avatar The Way Of Water: नुकताच जॅम्स कॅमेरॉन दिग्दर्शित 'अवतार द वे ऑफ वॉटर' अर्थात अवतार २ नुकताच प्रदर्शित झाला आहे. तब्बल १३ वर्षांच्या प्रतिक्षेनंतर या चित्रपटाचा दुसरा भाग प्रदर्शित करुन चाहत्यांना दिलासा दिला आहे. गेले अनेक वर्ष प्रेक्षक या चित्रपटाची वाट पाहत होते. त्यामूळे प्रेक्षक या चित्रपटाला पाहण्यासाठी आतुर होते. पण चित्रपटासंबधित एक वाईट बातमी समोर आली आहे.

आंध्र प्रदेशातील काकीनाडा जिल्ह्यात नुकताच प्रदर्शित झालेला 'अवतार 2' चित्रपट पाहताना एका चाहत्याचा हृदयविकाराच्या झटक्याने मृत्यू झाला आहे. ही घटना पेद्दापुरम शहरातील असल्याचे कळत आहे. मृत वक्तीचे नाव लक्ष्मीरेड्डी श्रीनू असे आहे. चित्रपट पाहण्यासाठी श्रीनू त्याचा भाऊ राजू पेद्दापुरमला एकत्र गेला होता.

यावेळी त्याच्या भावाने सांगितले की, चित्रपट पाहतान श्रीनू अचानक खाली कोसळला. त्याला लगेचच पेद्दामपुरम येथील शासकीय रुग्णालयात दाखल करण्यात आले होते. पण तिथे डॉक्टरांनी श्रीनूला मृत घोषित केले. लक्ष्मीरेड्डी श्रीनू यांच्या पश्चात एक मुलगी आणि एक मुलगा आहे.

नेहमी श्रीनूला तपासणाऱ्या डॉक्टरांकडून मिळालेल्या माहितीनुसार त्याला उच्च रक्तदाबाचा आजार होता. अतिउत्साहीपणामुळे चित्रपट पाहताना त्याचा मृत्यू झाला असल्याचे डॉक्टरांनी सांगितले. अवतारचा पहिला भाग पाहताना २०१०मध्ये तैवानमधील ४२ वर्षीय व्यक्तीचा ही हृदयविकाराच्या तिव्र झटक्याने निधन झाले होते.