Salman Khan: "बॅटल ऑफ गलवान" या चित्रपटावर चीन सरकार नाराज असताना, दिल्ली उच्च न्यायालयाने एका चिनी कंपनीने दाखल केलेल्या याचिकेवर सलमान खानला नोटीस बजावली आहे. यामध्ये त्याला त्याचे उत्तर दाखल करण्यासाठी चार आठवड्यांची मुदत देण्यात आली आहे. या प्रकरणाची पुढील सुनावणी २७ फेब्रुवारी २०२६ रोजी होणार आहे. जाणून घ्या काय आहे नेमकं प्रकरण?

दिल्ली उच्च न्यायालयाने यापूर्वी सलमान खानच्या व्यक्तिमत्त्व हक्कांचे रक्षण करण्यासाठी आदेश जारी केला होता, यामध्ये त्याचे नाव, फोटो, आवाजाचा अन्य कोणी अनधिकृत वापर करण्यास मनाई करण्यात आली होती.

संपूर्ण प्रकरण काय आहे

चिनी एआय प्लॅटफॉर्मने या आदेशाला आव्हान दिले आणि असा युक्तिवाद केला आहे की सलमानचा एआय कंटेन्ट आधिच सोशल मिडियावर प्रसिद्ध आहे. त्यामुळे त्यांचा व्यवसाय सुरू ठेवण्यासाठी हा कंटेन्ट वापरला जाऊ शकतो. सुनावणीदरम्यान, न्यायमूर्ती ज्योती सिंह यांनी अभिनेत्याला त्याचा उत्तर दाखल करण्यास सांगितले, जे चार आठवड्यांच्या आत सादर करावे लागेल.

सलमानचे व्यक्तिमत्त्व हक्क

११ डिसेंबर २०२५ रोजी उच्च न्यायालयाने सलमान खानला व्यक्तिमत्त्व हक्क दिले. यामुळे वेबसाइट्स, मोबाईल अॅप्लिकेशन्स आणि ऑनलाइन विक्रेत्यांना त्याचे नाव, आवाज आणि आवाज बेकायदेशीरपणे वापरण्यास आणि त्याच्या संमतीशिवाय त्याच्याशी संबंधित उत्पादने विकण्यास मनाई करण्यात आली आहे.

बॅटल ऑफ गलवान

१५ जून २०२० रोजी भारत-चीन सीमेवर एक चकमक झाली. ही चकमक लडाखमधील गलवान खोऱ्यात, प्रत्यक्ष नियंत्रण रेषेजवळ (LAC) भारतीय आणि चिनी सैनिकांमध्ये झाली. दोन्ही बाजूंनी शस्त्रे, काठ्या, रॉड, लोखंडी रॉड आणि इतर वस्तूंनी एकमेकांवर हल्ला केला. सलमानच्या बॅटल ऑफ गलवान चित्रपटात ही कथा भारतीय बाजूने दाखवण्यात येणार आहे. चित्रपटात सलमान खानसह चित्रांगदा सिंग, झेन शॉ आणि अंकुर भाटिया यांच्याही भूमिका आहेत. हा चित्रपट १७ एप्रिल २०२६ रोजी प्रदर्शित होणार आहे.