Hemant Dhome And Lalit Prabhakar Saam Tv
मनोरंजन बातम्या

Sunny: प्रदर्शनापूर्वीच 'सनी'ची बॉक्स ऑफिसवर गगनझेप

'सनी' चित्रपट प्रदर्शनाआधीच हाऊसफुल झाला आहे. नुकतेच हेमंत ढोमे दिग्दर्शित 'सनी' या चित्रपटाचा पेड प्रिव्ह्यू शो पुण्यातील एका चित्रपटगृहात आयोजित करण्यात आला होता.

ब्युरो रिपोर्ट, साम टीव्ही, मुंबई

Sunny Box Office Collection: हेमंत ढोमे दिग्दर्शित 'सनी' चित्रपटाच्या यशात प्रदर्शनाआधीच यशस्वी घौडदौड सुरु झाली आहे. चित्रपट प्रदर्शनादिवशीच चित्रपट थिएटरमध्ये लावला जातो. पण यावेळी मराठी चित्रपटसृष्टीत एक वेगळाच इतिहास घडला आहे. 'सनी' चित्रपट प्रदर्शनाआधीच हाऊसफुल झाला आहे. नुकतेच हेमंत ढोमे दिग्दर्शित 'सनी' या चित्रपटाचा पेड प्रिव्ह्यू शो पुण्यातील एका चित्रपटगृहात आयोजित करण्यात आला होता.

या शोची तिकीटविक्री एका ॲपद्वारे प्रेक्षकांसाठी करण्यात आली होती आणि अवघ्या काही वेळातच हा शो 'हाऊसफुल' झाला. विशेष म्हणजे प्रेक्षकांचा मिळालेला उत्स्फूर्त प्रतिसाद पाहता 'सनी'च्या दुसऱ्या शोचेही यावेळी आयोजन करण्यात आले.

ठाण्यातही पेड प्रिव्ह्यू शोचे आयोजन करण्यात आले असून तिथेही 'हाऊसफुल'चा बोर्ड लागला आहे. चित्रपट प्रदर्शित होण्यापूर्वीच 'सनीला मिळालेले हे प्रेक्षकांचे प्रेम पाहून, 'सनी' बॉक्स ऑफिसावर धमाका करणारा हे नक्की!

प्रेक्षकांकडून मिळालेल्या या प्रेमाबद्दल दिग्दर्शक हेमंत ढोमे म्हणतात, 'पेड प्रिव्ह्यू शो'चा आम्ही एक प्रयोग करून पाहिला आणि प्रेक्षकांनी त्याला भरभरून प्रतिसाद दिला. खरंतर आम्ही एकाच शोचे आयोजन केले होते, परंतु प्रेक्षकांची इतकी गर्दी पाहून आम्ही आणखी एक शो ठेवण्याचा निर्णय घेतला. प्रेक्षकांचं हे प्रेम पाहून भारावून गेलोय. जसा सकारात्मक प्रतिसाद 'झिम्मा'ला दिला, मला आशा आहे, 'सनी'लाही प्रेक्षक तेवढ्याच आपुलकीनं स्वीकारतील.

'सनी'ची भूमिका साकारणारा ललित प्रभाकर म्हणतो, ''माझ्यासाठी हा सुखद अनुभव आहे. 'सनी' प्रेक्षकांना आवडतोय. जसं प्रेम प्रदर्शनापूर्वी दिले, तसेच प्रेम प्रदर्शनानंतरही द्याल, याची खात्री आहे. घरापासून दूर जाणाऱ्या प्रत्येक व्यक्तीची गोष्ट सांगणारा 'सनी' आहे, त्यामुळे प्रेक्षकांना तो कुठेतरी आपल्या जवळचा वाटतोय.

ललित प्रभाकर, चिन्मय मांडलेकर, क्षिती जोग, अभिषेक देशमुख, अमेय बर्वे यांच्या प्रमुख भूमिका असलेल्या या चित्रपटाचे लेखन इरावती कर्णिक यांनी केले आहे. क्रेझी फ्यु फिल्म्स, प्लॅनेट मराठी, क्रिएटिव्ह वाईब प्रॅाडक्शन प्रस्तुत, चलचित्र कंपनी निर्मित 'सनी'चे अक्षय बर्दापूरकर, क्षिती जोग, विराज गवस, उर्फी काझमी 'सनी'चे निर्माते आहेत. तर संतोष खेर आणि तेजस्विनी पंडित सहनिर्माते आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ladki Bahin Yojana: 'लाडकी'चा 4800 कोटींचा घोटाळा, कष्टकऱ्यांचे पैसे कुणाच्या खिश्यात?

Shocking : बॉयफ्रेंडशी भांडण, नैराश्यातून तरुणीचा आत्महत्येचा प्रयत्न, गळफास घेण्याआधी इंस्टाग्रामवर शेअर केली शेवटची पोस्ट

Dada Bhuse: मालेगावात शिक्षक भरती घोटाळा,शासनाला 2 कोटी 69 लाखांचा गंडा

Shailesh Jejurikar : मायक्रोसॉफ्ट, गुगलनंतर आता P&G ला 'भारतीय' नेतृत्व; मराठमोळे शैलेश जेजुरीकर कोण आहेत? VIDEO

Maharashtra Live News Update: कोल्हापूर महानगरपालिकेत 85 लाखांचा ड्रेनेज घोटाळा प्रकरण; कनिष्ठ अभियंता,वरिष्ठ लिपीक निलंबित

SCROLL FOR NEXT