सध्या सर्वत्र 'बिग बॉस 18' ची (Bigg Boss) चर्चा पाहायला मिळत आहे. हे पर्व खूप गाजत आहे. या सीझनमध्ये खूप तगडे कलाकार पाहायला मिळत आहेत. 'बिग बॉस' च्या पहिल्या दिवसापासून गुणरत्न सदावर्तेंनी (Gunaratna Sadavarte) बिग बॉसच्या घरात राडा घातला आहे.

हळूहळू गुणरत्न सदावर्ते हे घरात रमू लागले आहे. त्यांची काही सदस्यांसोबत मैत्री होत आहे. आता बिग बॉसच्या घरात जेलमध्ये तजिंदग बग्गा हे आहेत, जे सदावर्ते यांचे मित्र आहेत. घरात या दोघांची छान मैत्री पाहायला मिळत आहे. त्यामुळे गुणरत्न सदावर्ते हे बिग बॉसकडे तजिंदग बग्गा यांना जेलमधून काढण्यासाठी सांगत आहेत.

आज 'बिग बॉस 18'चा पहिला 'विकेण्ड का वार' होणार आहे. बिग बॉसच्या घरात सदावर्तेंनी खूप खास लूक केला आहे. त्यांनी दीड लाखांचा हिरेजडीत काळा रंगाचा सूट घातला आहे. हा सूट घालून ते स्वॅगमध्ये घरात वावरत आहे. त्यांची घरात एन्ट्री झाल्यापासून ते सर्वांशी कायद्याच्या भाषेत बोलत आहेत. गुणरत्न सदावर्तेंनी घरातील सदस्यांशी बोलताना सांगितले की, हा सूट दीड लाखांचा आहे. तसेच या सूटविषयी सदावर्ते हे सूटवर असलेल्या हिऱ्यांविषयी हेमाला सांगताना पाहायला मिळत आहे.

पहिल्या आठवड्यात करण मेहरा, चाहत पांडे, मुस्कान बामने, अविनाश मिश्रा आणि गुणरत्न सदावर्ते हे 'बिग बॉस'च्या घरात नॉमिनेट झाले आहेत. आज सलमान खानच्या 'विकेण्ड का वार'मध्ये काय होणार हे पाहणे मनोरंजक ठरणार आहे. कोण होणार घराबाहेर आणि सदावर्तेंना सलमान काय बोलणार याकडे प्रेक्षकांचे लक्ष लागून आहे.