सोलापूर: बॉलिवूडचा खिलाडी अक्षय कुमारचा बच्चन पांडे (Bachchan Pandey) हा चित्रपट लवकरच प्रेक्षकांच्या भेटीस येणार आहे. या चित्रपटाची टीम सध्या चित्रपटाचे प्रमोशन (promotion) करण्यात व्यस्त आहे. अक्षयनं नुकताच सोशल मीडियावर एक खास व्हिडीओ शेअर केला आहे. या व्हिडीओमध्ये अक्षय (Akshay Kumar) फोनवर एका मुलीसोबत खास गप्पा मारताना दिसत आहे. दिप्ती (Dipti) असं या मुलीचं नाव असून ती सोलापूरची (Solapur) आहे. चित्रपटाचं प्रमोशन करण्याची अक्षयची ही हटके पद्धत नेटकऱ्यांच्या पसंतीस पडली. ("Go and see my picture" - Akshay Kumar's chat with a young girl from Solapur in Marathi Watch the Video)

हे देखील पहा -

अक्षयनं शेअर केलेल्या व्हिडीओमध्ये दिसत आहे की, तो सोलापूरमधील दिप्तीला फोन करतो. दिप्तीनं अक्षयला सांगितलं की ती सोलापूरची आहे. मग अक्षयनं तिच्यासोबत मराठी भाषेत (Marathi Language) बोलायला सुरूवात केली. दिप्तीनं अक्षयला सांगितलं की, ती शासकीय परीक्षेची तयारी करत आहे. हे ऐकल्यानंतर अक्षयनं दिप्तीला परीक्षेसाठी शुभेच्छा दिल्या आणि परिक्षा झाल्यानंतर बच्चन पांडे चित्रपट पाहण्यास सांगितले. दोघांमधील या संवादाचा व्हिडीओ अक्षयनं त्याच्या इन्स्टाग्राम (Instagram) अकाऊंटवर शेअर केला. हा व्हिडीओ सध्या सोशल मीडियावर प्रचंड व्हायरल (Viral Video) होत आहे.

Edited By - Akshay Baisane