'गदर' (Gadar Movie) च्या यशानंतर तब्बल २२ वर्षांनंतर प्रेक्षकांच्या भेटीला आलेल्या 'गदर-२' (Gadar- 2 Movie) चित्रपटाने देखील प्रेक्षकांची मनं जिंकली. या चित्रपटाने बॉक्स ऑफिसवर रेकॉर्ड ब्रेक कमाई केली आहे. या चित्रपटाने सर्व चित्रपटांचा रेकॉर्ड ब्रेक करत बक्कळ कमाई केली आहे. या चित्रपटाने 'बाहुबली-२' चित्रपटाला (Baahubali-2 Movie) टक्कर दिली असून प्रदर्शित झाल्यानंतर २९ दिवसांमध्ये रेकॉर्डब्रेक कमाई केली आहे.
'गदर-२' चित्रपटाने प्रदर्शित झाल्यापासून ते आतापर्यंत म्हणजे २९ दिवसांमध्ये बॉक्स ऑफिसवर (Box Office) दमदार कामगिरी केली आहे. या चित्रपटाने ५११ कोटी रुपयांची एकूण कमाई केली आहे. यासोबतच हा सर्वात जास्त कमाई करणारा दुसरा हिंदी चित्रपट ठरला आहे.
बॉक्स ऑफिसवर सर्वात जास्त कमाई करणाऱ्या लिस्टमध्ये पहिल्या क्रमांकावर 'किंग खान' म्हणजेच शहारुख खानचा 'पठान' चित्रपट येतो. पठान चित्रपटाने ५४३ कोटींचा गल्ला जमा केला होता. तर 'गदर-२' ला 'पठान'चा रेकॉर्ड ब्रेक करण्यासाठी ३५ कोटी रुपये आणखी कमवावे लागतील. तर 'बाहुबली-२' च्या हिंदी वर्जनने ५१०.९९ कोटींची कमाई केली होती.
२०१७ मध्ये प्रदर्शित झालेल्या 'बाहुबली-२' चित्रपटाने सर्व चित्रपटांचा रेकॉर्ड तोडत ५१० कोटींची कमाई केली होती. त्यानंतर पुढच्या ५ वर्षांत या चित्रपटाचा रेकॉर्ड ब्रेक करण्यात कोणत्याही चित्रपटाला यश आले नव्हते. अखेर २०२३ मध्ये प्रदर्शित झालेल्या 'पठान' चित्रपटाने बाहुबलीचा रेकॉर्ड ब्रेक केला होता. त्यानंतर प्रदर्शित झालेल्या 'गदर २' ने देखील 'बाहुबली २' चा रेकॉर्ड ब्रेक करत दुसऱ्या क्रमांकावर स्थान मिळवले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.