अनेकांच आवडता 'सेलिब्रिटी मास्टर शेफ' (Celebrity Masterchef ) हा शो लवकरच प्रेक्षकांच्या भेटीला येणार आहे. 'मास्टर शेफ' हा शो चाहते खूप आवडीने पाहतात आणि नवनवीन रेसिपी घरी बनवतात. मात्र यंदा त्याचे आवडते सेलिब्रिटी किचनमध्ये धमाकूळ घालताना पाहायला मिळणार आहेत. कलाकारांना आपले कुकिंग टॅलेंट दाखवण्याची उत्तम संधी मिळाली आहे.

'मास्टर शेफ' हा लोकप्रिय रिएलिटी शो जगभरात देखील चालतो. यंदा या शोमध्ये मनोरंजन कलाविश्वातील सेलिब्रिटी सहभागी होणार आहेत. नुकताच 'सेलिब्रिटी मास्टर शेफ' नवीन प्रोमो प्रेक्षकांच्या भेटीला आला आहे. यामुळे सर्वत्र 'सेलिब्रिटी मास्टर शेफ'ची चर्चा पाहायला मिळत आहे. या कुकिंग शोचे परीक्षक मास्टरशेफ विकास खन्ना आणि रणवीर बरार आहेत.

शेफ विकास खन्ना आणि रणवीर बरार यांचे चाहत दिवाने आहेत. यांच्या रेसिपी जगात भारी असतात. तर या खास शोच्या होस्टिंगची धुरा फराह (Farah Khan) खान सांभाळणार आहे. हा शो तुम्हाला लवकरच सोनी टीव्हीवर तुम्हाला पाहता येणार आहे. 'सेलिब्रिटी मास्टर शेफ'च्या प्रोमोमध्ये तुम्ही पाहू शकता की, कलाकारांना आईस्क्रीम केक बनवण्याचे चॅलेंज देण्यात आले आहे.

आपल्या अभिनयाने प्रेक्षकांची मने जिंकणारे सेलिब्रिटी आपल्या कुकिंगने चाहत्यांच्या मनात घर करतील का? हे पाहणे मनोरंजक ठरणार आहे. या प्रोमोमध्ये आपल्याला अनेक खास सेलिब्रिटी पाहायला मिळत आहेत. ज्यात 'बिग बॉस 15' विजेता तेजस्वी प्रकाश, 'बिग बॉस मराठी 5' गाजवणारी निक्की तांबोळी पाहायला मिळत आहेत. त्याचसोबत उषा नाडकर्णी, गौरव खन्ना, अर्चना गौतम, राजीव अदातिया, दीपिका कक्कर असे अनेक कलाकार पाहायला मिळत आहेत.