फॅन्ड्री चित्रपटामुळे प्रसिद्धीस आलेली जोडी चर्चेत आली आहे. जब्याच्या भूमिकेत सोमनाथ अवघडे होता तर शालूच्या भूमिकेत राजेश्वरी खरात दिसली होती. खऱ्या आयुष्यात देखील ही जोडी लग्नबंधनात अडकली असल्याच्या चर्चा रंगल्या आहेत. सोशल मीडियावर जब्या आणि शालूचा फोटो व्हायरल झाला.

अभिनेत्री राजेश्वरी खरातने तिच्या इन्स्टाग्रामवर एक फोटो शेअर केला आहे. हा फोटो सोमनाथ अवघडे आणि राजेश्वरी खरात यांचा लग्नंडपातील एकत्र पाटावर बसलेला दिसतो आहे. हळदीचा कार्यक्रम सुरू आहे. आणि दोघांनाही मुंडावळ्या बांधल्या आहेत. राजेश्वरीने पिवळी साडी परिधान केलेली आहे, तर सोमनाथ पांढरा कुर्ता पॅन्ट घातली आहे.

सोशल मीडियावर राजेश्वरीच्या फोटोंवर नेटकऱ्यांकडून लाईक्सचा वर्षाव होत आहेत तर अनेकांनी प्रतिक्रिया दिल्या आहेत. अनेकांनी या दोघाचं लग्न होणार असल्याचं म्हटलं आहे.तर एकाने हा नवीन प्रोजेक्ट आहे की काय असं म्हटलं आहे. सोशल मीडियावर या दोघाच्या नात्याची कायमच चर्चा सुरू असते.