मुंबई: फेमस कॅामेडीयन राजू श्रीवास्तव याची आज बुधवारी अचानक प्रकृती बिघडली. त्याला तात्काळ दिल्लीतील एम्स रूग्णालयात दाखल करण्यात आले. सूत्रांच्या माहितीनुसार, सध्या राजू श्रीवास्तव (Raju Srivastava) याच्यावर उपचार सुरू आहेत. आता त्याच्या प्रकृतीबाबत मोठी अपडेट समोर आली आहे.

राजू श्रीवास्तव आज सकाळी जीममध्ये ट्रेडमिलवर वर्कआऊट करत होता. याचदरम्यान अचानक प्रकृती खालावली आणि तो ट्रेडमिलवरून खाली कोसळला. तिथेच बेशुद्ध पडला. यानंतर तात्काळ त्याला दिल्लीतील एम्स रूग्णालयात दाखल करण्यात आले.

त्याच्यावर आयसीयूमध्ये उपचार सुरू असून, एन्जिओग्राफी करण्यात आली आहे. दरम्यान एन्जिओग्राफीनंतरही राजू श्रीवास्तव पुन्हा बेशुद्ध पडल्याची माहिती समजते. सध्या डॉक्टरांच्या निरीक्षणाखाली उपचार सुरू आहेत. अद्याप त्याचे एन्जिओग्राफीचे रिपोर्ट आले नाहीत. डॅाक्टर लवकरच त्याच्या प्रकृतीबाबत माहिती देतील.

पाहा व्हिडीओ -

तत्पूर्वी, राजू श्रीवास्तवची प्रकृती आता ठीक आहे, अशी नवी माहिती देण्यात येत होती. सुनील पाल याने राजू श्रीवास्तवच्या प्रकृतीत सुधारणा होत असल्याचे व्हिडिओ शेअर करून सांगितले होते. व्हिडिओमध्ये त्याने राजू श्रीवास्तवला हृदयविकाराचा झटका (Heart Attack) आल्याचे वृत्त खरे असल्याचे म्हटले होते.

दिल्लीच्या (Delhi) एम्स रूग्णालयात त्याला दाखल करण्यात आले आहे. आता प्रकृती ठीक आहे. आपल्या सर्वांच्या आशीर्वादाने तो लवकरात लवकर बरा होईल, असेही पाल याने सांगितले होते. राजू श्रीवास्तवची अचानक प्रकृती खालावल्याने त्याचे चाहतेही चिंतेत आहेत.

Edited By - Nandkumar Joshi