PS2 Day 5 Box Office Collection: मणिरत्नम दिग्दर्शित 'पोन्नियन सेल्वन 2' (Ponniyin Selvan-2) या चित्रपटाची सध्या जोरदार चर्चा सुरू आहे. चित्रपटाने चार दिवसांत बॉक्स ऑफिसवर १०० कोटींचा टप्पा पार केला. 'पोन्नियन सेल्वन 2' या चित्रपटाने सलमानच्या 'किसी की भाई किसी की जान' या चित्रपटाला टक्कर दिली असली तरी सध्या या चित्रपटाची चर्चा सुरू आहे.

मणिरत्नम दिग्दर्शित, 'पोन्नियन सेल्वन 2' (Ponniyin Selvan-2) हा चित्रपट प्रेक्षकांचे निखळ मनोरंजन करतो आहे. चित्रपटात बॉलिवूड अभिनेत्री ऐश्वर्या रॉय नंदिनीच्या भूमिकेत दिसते आहे. विशेष म्हणजे पीएस-१ प्रमाणेच 'पोन्नियन सेल्वन 2' लाही प्रेक्षकांचे भरभरून प्रेम मिळत आहे.

चित्रपटाने कलेक्शनच्या बाबतीत सलमान खानच्या 'किसी का भाई, किसी की जान' चित्रपटाला मागे टाकले आहे. मात्र, मंगळवारी 'पोन्नियन सेल्वन 2' च्या कलेक्शनमध्ये मोठी घट झाली. तमिळ भाषेतल्या या चित्रपटाच्या कलेक्शनमध्ये मोठी घट झाली आहे. (Bollywood Film)

'पोन्नियन सेल्वन 2' ची सुरूवात बॉक्स ऑफिसवर चांगली झाली, ऐश्वर्या राय आणि चियान विक्रम स्टारर अभिनीत या चित्रपटाने ॲडव्हान्स बुकिंगमध्येच सुमारे ७ ते ८ कोटींची कमाई केली.२८ एप्रिल २०२२ रोजी सिनेमागृहात प्रदर्शित झालेल्या या चित्रपटाने चौथ्या दिवशीच भारतातील इतर भाषांमध्ये १०० कोटींचा टप्पा पार केला.

मात्र मंगळवारी या चित्रपटांवर प्रेक्षकांनी पाठ फिरवली. 'पोन्नियन सेल्वन 2' या चित्रपटाच्या इतर दिवसांच्या तुलनेत २ टक्क्याने मोठी घट झाली आहे. सोमवारी या चित्रपटाने १८ ते १९ कोटींची कमाई केली, तर दुसरीकडे मंगळवारी हा चित्रपट केवळ ८.६७ टक्के कमाई करू शकला. (Bollywood Actor)

'पोन्नियन सेल्वन 2' इतर भाषांमध्येही आपली जादू दाखवत आहे. चित्रपटाला तमिळ भाषेत भरभरून प्रेम मिळत आहे. चित्रपटाने आतापर्यंत तमिळ भाषेत एकूण ८९.०५ कोटीचा गल्ला केला, तर हिंदी भाषेत चित्रपटाने एका दिवसात १.१२ कोटीची कमाई केली. सलमान खानच्या किसी की भाई किसी की जान या चित्रपटाला मागे टाकत हा विक्रम केला आहे.

हिंदीत या चित्रपटाची एकूण कमाई १०.२२ कोटी आहे. तेलगूमध्ये चित्रपटाने १.०५ कोटींसह एकूण १०.१५ कोटी आणि मल्याळममध्ये एकूण ५.५५ कोटीची कमाई केली आहे. चित्रपटाने भारतातच ११५.१४ कोटींची कमाई केली आहे, तर जगभरात आतापर्यत २१५ कोटींची कमाई करत नवा विक्रम केला आहे.