सक्तवसुली संचालनालयाने (ED) सुकेश चंद्रशेखर विरुद्ध खंडणी प्रकरणात जॅकलिन फर्नांडिसची 7.27 कोटी रुपयांची मालमत्ता जप्त केली आहे. जॅकलीन फर्नांडिस यांच्या अंतर्गत 7.12 कोटी रुपयांच्या मुदत ठेवींचा समावेश आहे. (Jacqueline Fernandez ED)

सुकेशने जॅकलिनला 5.71 कोटी रुपयांच्या भेटवस्तू दिल्याचा संशय ईडीने व्यक्त केला आहे. तर वृत्तानुसार, त्याने जॅकलिनच्या जवळच्या कुटुंबीयांना US डॉलर 173,000 आणि जवळपास 27,000 ऑस्ट्रेलियन डॉलर्सचा निधीही (Funds) दिला होता.

सुकेश सध्या पाच वर्षे जुन्या फसवणुकीच्या प्रकरणात अडकलेला आहे. 4 एप्रिल रोजी त्याला ईडीने या प्रकरणात अटक केली होती. तर, गेल्या वर्षी, गृह मंत्रालय आणि कायदा मंत्रालयाच्या अधिकाऱ्यांची तोतयागिरी करून दिल्लीतील एका व्यावसायिकाच्या पत्नीकडून 215 कोटी रुपये उकळल्याप्रकरणी सुकेशला ईडीने अटक केली होती.