मुंबई : 'तारक मेहता का उलटा चष्मा' (Taarak Mehta Ka Ulta Chashma) ही एक सुप्रसिद्ध विनोदी मालिका आहे. या मालिकेतील प्रत्येक पात्र विशेष आहे. त्यातही दया बेन म्हणजे मालिकेचा जीव. गेल्या तीन वर्षांपासून दया बेन आपल्याला मालिकेत दिसत नव्हती. परंतु आता तिची मालिकेत रिएन्ट्री होणार आहे असे म्हटले जात आहे. दया बेन हे पात्र अभिनेत्री दिशा वकानी साकारत होती. दिशा मॅटर्निटी ब्रेकवर असल्याने ती मालिकेपासून दूर होती. मात्र दिवाळीच्या आधी दिशा पुन्हा मालिकेत दिसण्याची शक्यता आहे. (TV Serial)

'तारक मेहता का उलटा चष्मा'चे निर्माते असित कुमार मोदी, दिशा वकानीच्या संपर्कात होते. निर्मात्यांनी दिशाला मालिकेत आणण्यासाठी बरेच प्रयत्न केले आहेत. जर यावेळी दिशा मालिकेत परत आली नाही तर तिला रिप्लेस करण्यात येईल असे सांगण्यात आले आहे. त्यामुळे कोणत्याही परिस्थिती दया बेन हे पात्र प्रेक्षकांसमोर येणार असल्याचे निर्मात्यांचे म्हणणे आहे.

दया बेन या मालिकेचा जीव आहे. गेली तीन वर्ष दया बेन या मालिकेत न दिसल्यामुळे प्रेक्षक नाराज आहेत. त्यात मालिकेतील इतर कलाकार सुद्धा मालिका सोडून जात आहेत. त्यामुळे निर्मात्यांना दिशा वकानीकडून अपेक्षा आहेत. मालिकेतील दया बेन या पात्रावर प्रेक्षकांचे विशेष प्रेम आहे. त्यामुळे दिशा व्यतिरिक्त इतर कुणालाही दया बेन म्हणून घेण्यास निर्माते तयार आहेत.

यापूर्वी निर्माते असित कुमार मोदी यांनी दिशा वकानीबद्दल माहिती देत सांगितलं होतं की, "लग्नानंतर काही काळ तिने काम केले. त्यानंतर मॅटर्निटी ब्रेक घेतला, तिने मालिका कधीच सोडली नव्हती. आम्हाला अपेक्षा आहे की दिशा पुन्हा मालिकेत येईल."