‘बिग बॉस मराठी’चा बहुचर्चित पाचवा सीझन आजपासून (२८ जुलै) प्रेक्षकांच्या भेटीला येणार आहे. ‘बिग बॉस मराठी ५’ची घोषणा झाल्यापासून सर्वांनाच कोणकोणते स्पर्धक सहभागी होणार याची उत्सुकता आहे. सध्या सोशल मीडियावर बिग बॉसच्या घरातील काही इनसाईड्स फोटोज् व्हायरल होत आहेत. सध्या सोशल मीडियावर काही स्पर्धकांची ‘बिग बॉस मराठी’च्या घरात येणार अशी चर्चा सुरू आहे, जाणून घेऊया स्पर्धकांची संभाव्य यादी...

मिडिया रिपोर्टनुसार, 'मन झालं बाजींद' फेम वैभव चव्हाण, 'भाग्य दिले तू मला' फेम विवेक सांगळे, स्प्लिट्सव्हिला फेम अरबाज पटेल, परदेशी मॉडेल इरिना रुदोकावा, इंडियन आयडॉल फेम आणि गायक अभिजित सावंत, रॅपर आर्या जाधव, अभिनेता शुभंकर तावडे, बिग बॉस फेम निकी तांबोळी यांच्या नावाची सध्या सोशल मीडियावर चर्चा होत आहे. गेल्या अनेक दिवसांपासून कलर्स मराठीच्या सोशल मिडिया पेजवर हिंट दिलेल्या फोटोंवरून किंवा व्हिडिओंवरून या स्पर्धकांची चर्चा होत आहे.

‘बिग बॉस मराठी’च्या ५ व्या सीझनचा ग्रँड प्रीमियर आज २८ जुलैला रात्री ९ वाजता पार पडतोय. अभिनेता रितेश देशमुख यंदाच्या पर्वाचं सूत्रसंचालन करणार आहे. यावेळी बिग बॉस मराठीच्या घरात कोण कलाकार जाणार हे पाहणं इंटरेस्टिंग असेल.