Kuttey Trailer Out: बॉलिवूड अभिनेता अर्जुन कपूर त्याच्या आगामी चित्रपटामुळे चर्चेत आहे. अर्जुनच्या 'कुत्ते' चित्रपटाची स्टार कास्ट सुद्धा तगडी आहे. काही दिवसांपूर्वी या चित्रपटाचा टीझर प्रदर्शित करून चित्रपटातील कलाकारांचा फर्स्ट लूक शेअर केला होता. नुकताच 'कुत्ते' चित्रपटाचा ट्रेलर प्रदर्शित झाला आहे. ट्रेलर पाहून हा चित्रपट मनोरंजन, थरार, आणि डार्क ह्यूमरने भरलेला आहे. चित्रपटाचा ट्रेलरच धमाकेदार आहे. (Kuttey Trailer Out)

'जंगल का एक उसूल सुन….या तो शिकार बनो या शिकार करो….' 'कुत्ते' चित्रपटाच्या ट्रेलरची सुरूवात या वाक्याने होते. ट्रेलरमध्ये अर्जुन कपूर जंगलात आहे आणि त्याला अनेक लोकांनी घेरले आहे. अर्जुनने पाच बोलताच सर्वांना त्यांच्या बंदुका फेकून द्यायच्या असतात. परंतु अर्जुन वगळता कोणीच बंदूक फेकत नाही. त्यावर अर्जुन म्हणतो, चांगल्याची दुनियाच राहिली नाही. तुम्ही सर्वच्या सर्व 'कुत्ते' आहेत. ट्रेलरमध्ये तब्बू सुद्धा शिव्या देताना दिसत आहे. तर राधिका मदान इंटिमेट सीन्स करताना दिसत आहे. (Trailer)

ट्रेलरची सुरूवात शाहिद कपूरच्या कमीने चित्रपटातील टायटल ट्रॅकने करण्यात आली आहे. विशाल भारद्वाज यांनीच हे गाणे संगीतबद्ध केले होते. 'कुत्ते' चित्रपटालाही त्यांनीच संगीत दिले आहे. ट्रेलर प्रदर्शित करण्यासाठी एक मोठा इव्हेंट करण्यात आला होता. या इव्हेंटमध्ये दिग्दर्शक भारद्वाज, त्यांचे वडील विशाल भारद्वाज आणि चित्रपटाची संपूर्ण स्टारकास्ट उपस्थित होती. (Bollywood)

चित्रपटामध्ये अर्जुन कपूर, तब्बू आणि नासिरुद्दीन शाह यांच्याव्यतिरिक्त कोंकणा शर्मा, कुमुद मिश्रा, राधिका मदान, शार्दुल भारद्वाज यांचा समावेश आहे. या चित्रपटाला विशाल भारद्वाज यांनी संगीत दिले आहे. तर गुलजार यांनी या चित्रपटातील गाणी लिहिली आहेत. कुत्ते चित्रपट १३ जानेवारी २०२३ला चित्रपटगृहांमध्ये प्रदर्शित होणार आहे.