Salman Khan On Laaptaa Ladies:

बॉलिवूडचा (Bollywood) सुपरस्टार आमिर खान (Aamir Khan) हा चित्रपट स्टार्सपैकी एक आहे जो आउट ऑफ द बॉक्स चित्रपट तयार करतो. आमिर खानच्या चित्रपटांचा वर्ग वेगळा आहे. नुकताच आमिर खानच्या प्रॉडक्शन बॅनरखाली तयार झालेला आणि त्याची एक्स वाइक किरण रावच्या (Kiran Rao) दिग्दर्शनाखाली तयार झालेल्या 'लापता लेडीज' (Laaptaa Ladies Movie) हा चित्रपट सध्या चर्चेत आहे.

किरण राव दिग्दर्शित हा चित्रपट आपल्या रंजक कथेमुळे चर्चेत आहे. या चित्रपटाने बॉक्स ऑफिसवर फारशी कमाई केली नाही. पण हा चित्रपट प्रेक्षकांना प्रचंड आवडला आहे. या चित्रपटाचे समीक्षकांनी देखील कौतुक केले. महत्वाचे म्हणजे आता बॉलिवूडचा 'सुलतान' अर्थात सुपरस्टार सलमान खाननेही (Salman Khan) हा चित्रपट पाहिला आणि त्याने देखील या चित्रपटाचे कौतुक केले आहे.

सलमान खानने नुकताच आमिर खानची एक्स वाइक किरण रावचा 'लापता लेडीज' हा चित्रपट पाहिला. यानंतर त्याने सोशल मीडिया प्लॅटफॉर्म X वर पोस्ट करत हा चित्रपट त्याला कसा वाटला हे सांगितले. यावेळी त्याने चित्रपटाचे कौतुक केले. त्याचसोबत त्याने किरण रावच्या कामाचे कौतुक करत तिला चित्रपटाची ऑफर दिली आहे. सलमान खानची ही पोस्ट सध्या सोशल मीडियावर व्हायरल होत आहे.

सलमान खानने या पोस्टमध्ये असे लिहिले आहे की, 'आताच लापता लेडींज हा चित्रपट पाहिला. व्वा व्वा किरण... मला खूप मजा आली. तसेच माझ्या वडिलांनाही खूप मजा आली. दिग्दर्शक म्हणून पदार्पण केल्याबद्दल अभिनंदन. छान काम केलंस. तू माझ्यासोबत कधी काम करणार?' लापता लेडीज चित्रपट पाहून सलमान खानला प्रचंड आनंद झाला असून त्याने थेट किरण रावला सोबत काम करण्याची ऑफर दिली आहे.

दरम्यान, किरण रावचा 'लापता लेडीज' हा चित्रपट निर्मात्यांनी जवळपास 40 कोटी रुपयांच्या बजेटमध्ये तयार केला आहे. हा चित्रपट मात्र बॉक्स ऑफिसवर चांगली कमाई करताना दिसत नाहीये. किरण रावने नवीन स्टारकास्ट घेऊन हा चित्रपट तयार केला आहे. किरण रावच्या या चित्रपटाने बॉक्स ऑफिसवर आतापर्यंत फक्त 6 कोटींची कमाई केली आहे. असे असूनही हा चित्रपट प्रेक्षकांचे लक्ष वेधून घेण्यात यशस्वी ठरला आहे. निर्मात्यांनी हा चित्रपट 1 मार्च रोजी रिलीज केला. चित्रपट प्रदर्शित होऊन आतापर्यंत 13 दिवस झाले आहेत. पण या चित्रपटाच्या कमाईमध्ये वाढ झाल्याचे पाहायला मिळत नाहीये.