Ram Mandir:

राम मंदिराचा (Ram Madir) प्राणप्रतिष्ठा सोहळा आज होणार आहे. या सोहळ्याकडे संपूर्ण देशवासीयांचे लक्ष लागले आहे. अयोध्या धाम रामलल्लाच्या स्वागतासाठी पूर्णपणे सज्ज झाले आहे. या ऐतिहासिक क्षणाची सर्वजण आतुरतेने वाट पाहत आहेत. कारण अवघ्या काही तासांनी राम मंदिरात प्रभू रामाच्या मूर्तीची प्राणप्रतिष्ठापना (Ram Mandir Inauguration) होणार आहे. या ऐतिहासिक सोहळ्याचे साक्षिदार होण्यासाठी बॉलिवूडपासून (Bollywood) ते साऊथ फिल्म इंडस्ट्रीपर्यंतचे (South Film Industry) अनेक सेलिब्रिटी अयोध्येकडे रवाना झाले आहेत तर काही जण अयोध्येमध्ये पोहचले आहेत.

अयोध्येमध्ये आलेल्या बॉलिवूड आणि साऊथ फिल्म इंडस्ट्रीतील सेलिब्रिटींमध्ये कंगना रनौत, अमिताभ बच्चन, रणदीप हुड्डा, पवन कल्याण, शंकर महादेवन, कतरीना कैफ, विकी कौशल, आलिया भट्ट, रणबीर कपूर यांच्यासह अनेक सेलिब्रिटींचा समावेश आहे. हे सर्व सेलिब्रिटी राम मंदिर प्राणप्रतिष्ठा सोहळ्याला हजेरी लावणार आहेत.

बॉलिवूड अभिनेत्री कंगना रनौत अयोध्येमध्ये रविवारीच दाखल झाली. तिने हनुमान गढी मंदिरात जाऊन दर्शन घेतले. त्याचसोबत सध्या कंगना रामाच्या भक्तीमध्ये तल्लीन झाली आहे. अयोध्येमधील भक्तीमय वातावरणाचे कंगना रनौतने खूपच कौतुक केले आहे. कंगना रनौतसोबत रजनीकांत, अनुपम खेर, शंकर महादेवन, अनु मलिक, मधुर भांडारकर, सोनू निगम, विवेक ओबेरॉय, गजेंद्र चौहान, रणदीप हुड्डा हे सेलिब्रिटी अयोध्येमध्ये पोहचले आहेत.

सध्या बॉलिवूड अभिनेत्री माधुरी दीक्षित आणि डॉ. श्रीराम नेने हे मुंबईवरून अयोध्येसाठी रवाना झाले आहेत. हे कपल देखील या ऐतिहासिक कार्यक्रमाला हजेरी लावणार आहेत. बॉलिवूडते महानायक अमिताभ बच्चन, अभिषेक बच्चन, जॅकी श्रॉफ, विकी कौशल, कतरिना कैफ, आयुष्मान खुराना, रोहित शेट्टी, राम चरण, चीरंजीवी, कैलाश खेर हे सर्व सेलिब्रिटी देखील आयोध्येला जाण्यासाठी रवाना झाले आहेत. अयोध्येतील राम मंदिराच्या प्राणप्रतिष्ठा कार्यक्रमात हजेरी लावून हे सर्व सेलिब्रिटी कार्यक्रमाची शोभा वाढवणार आहेत.