बॉलिवूड (Bollywood) अभिनेता सैफ अली खान (Saif Ali Khan) सध्या चांगलाच चर्चेत आला आहे. सैफ अली खान मीडियाच्या समोर नेहमी खूप चांगला वागतो. तो मीडियाचा खूप आदर देखील करतो. पण आता असं काही घडलं आहे ज्यामुळे सैफ अली खान पापाराझींवर संतप्त (saif ali khan angery on paparazzi) झाला आहे. सैफचा व्हिडीओ सध्या सोशल मीडियावर व्हायरल होत आहे. सैफचा मुलगा जेहचे फोटो काढणाऱ्या पापाराझींची सैफ अली खानने चांगलीच शाळा घेतली आहे.
सैफ अली खान चर्चेत येण्यामागचे कारण म्हणजे तो पापाराझींवर संतापला. नुकताच करीना कपूर आणि सैफ अली खान यांचा एक व्हिडिओ समोर आला आहे. या व्हिडिओमध्ये सैफ अली खान कुल लूकमध्ये दिसत आहे. करीना कपूर देखील विंटर लूकमध्ये खूपच छान दिसत आहे. पण हा व्हिडिओ करीना कपूर आणि सैफ अली खानच्या लूकमुळे चर्चेत आला नाही तर अन्य काही कारणांमुळे चर्चेत आला आहे. या व्हिडिओमध्ये सैफ अली खान पॅप्सवर म्हणजेच पापाराझींवर चिडताना दिसत आहे.
सैफ अली खान आपला मुलगा जेहला फुटबॉल खेळून झाल्यानंतर घरी जाण्यासाठी कारच्या दिशेने घेऊन येत असतो. तेव्हा पापाराझी सतत जेहचे फोटो क्लिक करत होते. हे पाहून सैफ अली खान संतापला आणि म्हणाला, 'मुलं फुटबॉल खेळत आहेत, तुम्ही लोक याला फिल्मी इव्हेंट बनवू नका.' सैफ अली खानचा हा व्हिडीओ व्हायरल होत आहे. हा व्हिडिओ समोर आल्यानंतर सैफ अली खान चांगलाच चर्चेत आला आहे.
सैफ अली खानच्या या व्हायरल व्हिडिओवर यूजर्स जोरदार कमेंट करत आहेत. बहुतेक नेटिझन्स सैफ अली खानशी या मुद्द्यावर सहमत असल्याचे दिसून येत आले. सैफ अली खान जे काही बोलले ते अगदी बरोबर असल्याचे मत काही नेटिझन्सनी व्यक्त केले आहे. दरम्यान, करीना कपूर आणि सैफ अली खान सध्या आपल्या कुटुंबाला जास्त वेळ देत आहे. नुकतेच करीना आणि सैफ कुटुंबासोबत नवीन वर्ष साजरे करण्यासाठी गेले होते. नववर्ष सेलिब्रेशनचे व्हिडीओ आणि फोटो करीनाने आपल्या अधिकृत इन्स्टाग्राम अकाऊंटवर शेअर केले होते. हे कपल आपल्या मुलांना जास्तीत जास्त वेळ देताना नेहमी दिसतात.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.