मुंबई: बहुप्रतिक्षित 'भेडिया' चित्रपटाचा ट्रेलर अखेर प्रदर्शित झाला आहे (Bollywood). प्रदर्शित झालेल्या ट्रेलरमध्ये वरुणचा रांगडा अवतार पाहायला मिळत आहे. चित्रपटात प्रमुख भूमिकेत वरुण धवन, क्रिती सेनन, अभिषेक बॅनर्जी आणि दीपक डोबरियाल प्रमुख भूमिकेत दिसणार आहेत (Bollywood Actor) (Bollywood Actress). काही दिवसांपूर्वी चित्रपटांमधील पात्रसमोर आले होते. त्यांचे लूक पाहता सगळ्यांनाच चित्रपटाची खूपच उत्सुकता लागली होती. चित्रपटातील टीझर आणि पोस्टरला प्रतिसाद पाहता ट्रेलरलाही कसा प्रतिसाद मिळणार हे पाहणे महत्वाचे ठरणार आहे. (Marathi Entertainment News)

ट्रेलरमध्ये, कॉमेडी दिसत असून वरुणचा अॅक्शन लूकही दिसत आहे. ट्रेलरची सुरुवात एका घनदाट जंगलातून होते. वरुण धवनला एक लांडगा चावल्याने त्याचे रूपांतर हळूहळू लांडग्यात होते आणि तो विचित्र गोष्टी करू लागतो. त्याला त्यातून बाहेर काढण्यासाठी क्रिती सेनॉन शर्थीचे प्रयत्न करताना दिसते. मग त्यातून पुढे काय काय गोष्टी घडतात आणि तो बरा होतो की नाही हे चित्रपटात पहिल्यावरच कळेल. या चित्रपटात क्रिती सेनॉन डॉक्टर अनिकाच्या भूमिकेत आहे. हा बहुप्रतिक्षित ट्रेलर वरुण धवनने त्याच्या सोशल मीडिया अकाऊंटवरून पोस्ट केला आहे. तो पोस्ट करताना त्याने कॅप्शनमध्ये लिहिले, “या कथेचे नाव #भेडिया आहे!”

ट्रेलरमध्ये अॅक्शनसोबतच कॉमेडीचेही जबरदस्त मिश्रण आहे. हा ट्रेलर सोशल मीडियावर चांगलाच व्हायरल होत आहे. या ट्रेलरवर नेटकरी उत्स्फूर्त प्रतिक्रिया देत आहेत. तो पाहिल्यानंतर एका नेटकऱ्याने कमेंट करत लिहिले, “जंगल-जंगल बात चली है.” दुसऱ्याने लिहिले. ‘अप्रतिम ट्रेलर आणि अप्रतिम VFX.’ तर आणखी एक नेटकरी म्हणाला, “अखेर प्रतीक्षा संपली…ट्रेलर अप्रतिम आहे.” ‘भेडिया’ हा चित्रपट पुढच्या महिन्यामध्ये बॉक्स ऑफिसवर दाखल होणार आहे. वरुण, क्रिती यांच्यासह दीपक डोबरियाल आणि अभिषेक बॅनर्जी हे कलाकार या चित्रपटामध्ये दिसणार आहे. हा चित्रपट विनोदी भयपट शैलीतला असून त्याचे दिग्दर्शन अमर कौशिक यांनी केले आहे.

मुख्य बाब म्हणजे आज वरुणला बॉलिवूडमध्ये पदार्पण करुन दशक पूर्ण झाले आहे. वरुण धवनचे लुकलुकणारे डोळे आणि त्यातील ज्वाला 'भेडिया'ची झलक दाखवत आहे. या चित्रपटाच्या ट्रेलरमध्ये व्हीएफएक्सचा उत्तम वापर करून सस्पेन्स आणि थ्रिलर निर्माण करण्याचा प्रयत्न करण्यात आला आहे. ट्रेलरमुळे प्रेक्षकांची या चित्रपटाबद्दलची उत्सुकता वाढली आहे. याआधी 'भेडिया'चा टीझर चाहत्यांना खूप आवडला होता. आता आशा आहे की चाहत्यांनाही ट्रेलर आवडेल. हा चित्रपट 25 नोव्हेंबरला हिंदी, तेलुगू आणि तमिळमध्ये 2D, 3D मध्ये थिएटरमध्ये प्रदर्शित होत आहे.

Edit By: Chetan Bodke