Sharman Joshi On 3 Idiots Sequel: मित्रांवर चित्रित करण्यात आलेला ‘३ इडियट्स’ चित्रपटाची आज प्रेक्षकांमध्ये एक वेगळीच क्रेझ आहे. २००९ मध्ये प्रदर्शित झालेल्या चित्रपटाने त्यावेळी बॉक्स ऑफिसवर चांगलाच धुमाकूळ घातला होता. चित्रपटाची कथा, चित्रपटातील संवाद आणि गाण्यांनी प्रेक्षकांच्या मनावर राज्य केले आहे. लवकरच ‘३ इडियट्स’चा सिक्वेल प्रेक्षकांच्या भेटीला येत आहे. चित्रपटाबद्दल महत्त्वाची अपडेट शर्मन जोशीने दिली आहे. शर्मन जोशीने चित्रपटात राजू हे पात्र साकारले.

एका इंग्रजी संकेतस्थळाला दिलेल्या मुलाखतीत त्याने चित्रपटाच्या सिक्वेलबद्दल महत्वाची माहिती दिली आहे. ‘३ इडियट्स’चा सिक्वेलबद्दल शर्मन जोशी म्हणतो, “चित्रपटाच्या सिक्वेलसाठी राजू सर फारच उत्सुक आहेत. सध्या ते चित्रपटाच्या कथेवर काम करत आहेत. तुम्ही काळजी करू नका लवकरच कथा पूर्ण झाली की आम्ही त्या कथेवर आम्ही काम करू.” असं म्हणत त्यांनी प्रेक्षकांना महत्वाची अपडेट दिली.

गेल्या काही दिवसांपूर्वी सोशल मीडियावर शर्मन जोशीने अमीर खान आणि आर. माधवन सोबत एक व्हिडिओ शेअर केला होता. त्या शेअर केलेल्या व्हिडीओत त्यांनी ‘३ इडियट्स’चा सिक्वेल येणार अशी एक प्रेक्षकांना हिंट दिली होती. पण ते तिघेही शर्मनच्या आगामी ‘काँग्रॅज्युलेशन’ या चित्रपटाच्या प्रमोशनसाठी एकत्र आले होते.

२००९ मध्ये प्रदर्शित झालेल्या ‘३ इडियट्स’ या चित्रपटात प्रमुख भूमिकेत आमिर खान, आर माधवन, शर्मन जोशी, करीना कपूर, बोमन इराणी, ओमी वैद्य आणि मोना सिंग हे कलाकार होते.