कोरोना काळात अनेकांसाठी 'देवदूत' ठरलेल्या सोनू सूदचा आज ५१ वा वाढदिवस आहे. सोनूने बॉलिवूडमध्ये अभिनय, डान्स आणि ॲक्शनच्या माध्यमातून प्रेक्षकांचे खळखळून मनोरंजन केले. लवकरच सोनूचा 'फतेह' चित्रपट रिलीज होणार आहे. या चित्रपटाच्या माध्यमातून सोनूने दिग्दर्शन क्षेत्रात डेब्यू केले आहे. आज अभिनेत्याने त्याच्या वाढदिवशी चाहत्यांना मोठं गिफ्ट दिले आहे. अभिनेत्याने आज 'फतेह' चित्रपट चित्रपटाची रिलीज डेट जाहीर केली आहे.

गेल्या अनेक दिवसांपासून या बहुचर्चित चित्रपटाची चाहत्यांमध्ये जोरदार चर्चा होत आहे. सोनूने या चित्रपटात अभिनयही केला असून दिग्दर्शनही केले आहे. सोनूने 'फतेह' चित्रपटाची रिलीज डेट इन्स्टाग्रामवर शेअर केली असून चाहत्यांमध्ये या चित्रपटाची उत्सुकता आहेत. या चित्रपटात सोनू सूदसोबत मुख्य भूमिकेत जॅकलिन फर्नांडिस ही दिसणार आहे. नवीन पोस्टर आणि काही खास BTS फोटो पोस्ट करून अभिनेत्याने रिलीज डेट सांगितली. 'फतेह' चित्रपट १० जानेवारी २०२५ रोजी प्रदर्शित होणार असून चित्रपटाविषयीची प्रेक्षकांमध्ये उत्सुकता आहे.

सूदने पोस्ट टाकताच चाहत्यांनी त्याला चित्रपटासाठी शुभेच्छा देत कौतुकाचा वर्षाव केला आहे. तो म्हणाला की ही कथा "महत्त्वपूर्ण" आहे आणि सर्वांचे लक्ष वेधून घेणारी आहे. शक्ती सागर प्रॉडक्शन आणि झी स्टुडिओज निर्मित, 'फतेह' मध्ये सूद नसीरुद्दीन शाह आणि जॅकलिन फर्नांडिस यांच्यासोबत स्क्रीन शेअर करताना दिसणार आहे. सोनू सूदचे दिग्दर्शक म्हणून पदार्पण करणारा ‘फतेह’ सायबर क्राइमच्या वास्तविक जीवनातील घटनां वर आधारित असून झी स्टुडिओज आणि शक्ती सागर प्रॉडक्शन्सच्या बॅनरखाली हा चित्रपट भारतीय कलाकारांना त्याच्या ॲक्शन सीक्वेन्ससह पर्वणी देणार आहे.